Tuesday, March 1, 2011

轉載: 俠客行 北河燒臘飯店 (完)

義無反顧風裏行

也許好人有好報,他的平價飯菜,得社區組織協會青睞,主動跟他合作,推出飯票,免費派給有需要的貧苦家庭,賙濟窮人。
高佬明知他們做善事,更特別減價,每套飯菜,收平兩蚊。
後來東華三院又向他買蒸飯,送給老人院。
教會和私人機構找他合作,做飯盒派給露宿者。
高佬明也只收回成本價,不望圖利。
只是,仗義而行,並不代表無風無浪。
很多批發商,就是算準他老實,想盡辦法騙他,賺到盡。
牛肉灌水呃秤,菜噴上化學劑扮新鮮,死魚死蝦死蟹端上來。
「呢行好多蠱惑嘢 o架,入貨真係要打醒十二分精神!」
所以,他每天買貨都要親力親為,跟奸商鬥智鬥力,忙得連食飯都要五分鐘搞掂。

老婆對此,也嘮叨不絕:「佢份人就係咁,成日得個做字!試過好多個月白做㖭,人做老闆佢做老闆,真係出去打份工好過啦!」
生意,的確愈來愈難做。人民幣升值,蔬菜肉類全線漲價。
股市樓市暢旺,又令通脹加劇,還有租金,業主已告訴他,今年例必加租。一場風雨,正在門外醞釀。

「冇 o架,冇得預 o架!總之見步行步,盡力做好啦,冇錢賺都繼續做,當喺守住業先囉。」他說。
戰鬥,對他來說,仿似沒完沒了。但心中有些價值,始終沒動搖。
外人看來,實在不知他背後,力量從哪裏來?
老人家唔可以屈埋 o架,屈吓屈吓,好易有事!」
客家人林先生,也是這裏的飯客。今年 70多歲,身體壯健,天天來吃飯,喜歡找人聊天。他從前在藥房工作,後來年紀較大,沒人請,他馬死落地行,改去快餐店送外賣,但不是時時有工開,時做時停。過年期間,又被老闆炒魷魚。「香港哋係咁 o架啦,要睇開啲!我哋呢啲人又老,錢又冇,都冇乜所謂囉,有得食就食,過得一日得一日!」他每天最開心還是來到這裏吃飯,跟老街坊吹水,既是打發時間,也找回生活的節奏。「老人家唔可以屈埋 o架,屈吓屈吓,好易有事!」


「幾十蚊,我仲俾得起!」
泰哥,六十多歲,是每天來飯店的熟客。通常吃三餸飯,還會先飲酒吃餸,最後才食飯,真識嘆!有些社工來找他,給他毛氈飯菜,他總是不要,寧願天天來,自己付錢吃。「幾十蚊,我仲俾得起!」他說來仍有傲氣。他家住此區籠屋,孑然一身。可從前,他是印刷大師傅!本在德士古道的印刷工廠工作,專門負責印囍帖,遠至加拿大的華人結婚,也找他印製。 95年,印刷廠北移,他頓失所依,又沒其他技能,再找不到工作。沒收入,只能搬到此區來,每天在這裏吃平價飯菜。「我哋呢啲冇用 o架啦,喺度借酒消愁啦。不過雖然幫唔到個社會,但亦唔使人幫嘅!」不用人幫,自己付錢吃飯,也許就是泰哥捍衛着的唯一的尊嚴。

「我只希望阿仔食多啲嘢,快高長大。」
盧愛嬌, 40來歲,汕尾人,跟六歲大的兒子同住在大南街一間百多呎的板間房內。 05年,兒子出世,丈夫離世,她一個人擔起一頭家。因為她居港不夠七年,未能領取綜援,又因小時候遇上嚴重車禍,身體有缺憾,找不到工作。兩母子每天的晚飯,就是靠社區組織協會的飯票,到北河燒臘飯店領取。「佢哋啲飯菜幾好 o架,好多選擇,我好滿足 o架啦,起碼阿仔食得均衡啲。我最怕佢食唔飽啫,佢食飯好唔專心 o架!我希望佢食多啲嘢,快高長大啦。」

「如果冇咗呢啲飯票,真係唔知點算好。佢哋食得好開心 o架!」
梁彩麗, 36歲,江門人,情況跟阿嬌相若,可處境更糟。兩年前,丈夫離去,她與兩名兒子同住。大兒子和她因不在香港出世,只能以細仔的名義領取一份綜援,然後三個人用。飯票也是每天一張,領盒飯三個人分,餸菜不夠,要自己拌點豉油吃。但她對於這頓飯,卻有不同體會。「唔使錢有餸有飯,仲想點?有菜有肉仲有蒸魚,都幾新鮮。佢哋食得好開心 o架!如果冇咗呢啲飯票,真係唔知點算好。」她說。今天,她見有人採訪,特別加餸,開了一罐粟米。「有時我會買小小紅蘿蔔煲飯俾佢哋食,算係盡下阿媽嘅責任啦!」她邊笑邊扒飯,一家人吃得特別開懷。只是世事難料,今天,阿麗興高采烈在吃飯,但明天,誰也不能保證飯店是否捱得來。然而,明日愁來明白檔,起碼今天,我們都吃得飽,有尊嚴,繼續活着。

北河燒臘飯店
地址︰深水埗北河街 54號

No comments: