Wednesday, December 31, 2008

下年見

到了今年最後一天(又剛好是第200篇post, 數乎 ?)想說點無謂事.最近課堂完結了, 覺得其實算命真是一種小道/小術; 難登大雅之堂. 可能近來識的行內人多了, 見的事多了. 發現到其實不少於行內功夫好或收費高的人士, 不少都是出身或學歷較低.. 是故無論於各種事情處理手法上都有點那個…另類. 以下,是最近聽來的一些路邊趣聞

開光 - 無術既人一定會話可以幫你開, 真正有術個d 未必敢立亂幫你開

撞 X -有某位成日上電視的術士(術數家同術士有好大分別),曾於相宅過程中“領野”.最後要由佛法中人幫助

上山 -原來若要土葬, 安排落土/風水/摘日事宜的師傅是有另習神功的; 以妨上山時有 “其他野” 騷擾.

天王 - 某天王哥哥於追賊時辭世, 原來其八字跟當日八字並無明顯剋應. 即是說, 任何技術都有其局限性的.

吉屋 - 睇樓人士注意, 吉左好耐既屋會易招陰; 睇樓時櫃門勿亂開

利鋸鳴 - 因炒燶地皮(!)所以見佢批八字傾20 分鐘都要$3800. 仲有好多佢所謂加持過的高級(!)器具亦是生財工具

中獎 - 六合彩頭獎係可以計出的, 但若條命係無財. 買左都無命享, 或剋六親
發財 - 承接上段, 有某位仁兄只是輕微感冒, 但一個月後轉趨急性肺炎. 終於係養和醫院逝世, 有友人透露; 原來早幾個月搵過大錢

某地白聾黃 - 本身都是易學高人

戴桌椅夫人 - 當年談判香港前途後, 仆係地下; 原來背後有中方奇門遁甲高手佈局

淩淩術士 - 識Rap 既女術士, 路邊社話佢先跟淋珍學掌面相(6個月) 再跟L 郭熊學八字(又係幾個月). 功夫就係甘多.

最後, 本門祝大家 : 過個好年 !

Monday, December 29, 2008

聖誕餐, 一分價錢一分貨

基於本人深明若帶女友落吧飲野狂歡只不過等於自招惡果關系(二人節日飲野飛埋的返家埋單都起碼 $800吧), 今年聖誕特意去了吃得好一點. 於12:05pm, 我們踏進了這家久聞其名的 “炸物” 餐廳 --井吉日本吉列專門店 (Tonkichi). 話說曾不幾何時, 某晚星期六一行三人來到, 見到小小一個門口企了二三十人如當年炒樓花一樣. 只不過是一碟炸豬扒, 要收人百幾二百蚊 ? 本人就矢志要一試其功架.

首先環境方面實在不俗, 不知是否25號當晚實在太多人劈過爛醉. 今日26號中午, 我兩竟然能不用等位而長驅直進; 而店內大概有6-7成入座率. 直入置坐後, 首先點了一碟三個文魚生($ 58/ 4-5片), 之後又點了炸豬柳套餐(約 $ 140-160)及大蝦豬柳套餐 (約 $ 160-180). 本來一心想吃豬扒, 但由於太空肚之餘又見了隔枱一家三口點了個刺身拼盤; 故先點了一碟魚生.

先來的當然是魚生, 不知是否剛起身空肚關系; 我們竟然覺得此碟魚生異常鮮甜. 厚度切得恰好, 脂肪比例頗高(開始吾知自已講乜)… 總之高過咩板錢/元器/咩美厲華地庫buffet等等幾班啦. 又過了十零分鐘, 主角正式出場. (整芝麻醬就不多說了, 橫豎都不是太好味)

第一口咬落去, 覺得炸粉很薄但又很結實. 豬柳方面明顯是較高級貨色, 肉質跟脂肪比例(即肥瘦度) 恰好到處. 很明顯, 相比本人上次試鐘的硺組又拋出一小段距離. 之於炸蝦方面, 亦頗為足料; 炸粉不厚蝦味十足. 當然, 亦比那些什麼 晚市$ 238 日式任砌放題的天婦羅炸蝦高班幾倍. 就在我們像在南美州發現新大陸一樣, 邊吃邊暗嘆:“原來真係幾好味喎”同時. 不期然發現, 原來店內環境異常清靜, 就連隔枱的小朋友都懂得悄聲說話. 一間燈光柔和的日式餐廳, 一桌美食加上一個恬靜環境; 埋單$ 448.

對於常常在穿梭地鐵巴士被廣告電視轟炸, 本人實在覺得吃得很舒服

**當日乃係吉時, 是故未見爆滿或聲浪擾人. 若weekend晚市, 相信又另一景象
**豬扒跟豬柳存有若$30-40差價, 切忌貪平食豬扒.
違者自誤

Monday, December 22, 2008

某君

這是一個很奇怪的命例, 於我研習命理初期所遇到; 來相者交予在下其友人八字.

(女命)

丁癸己乙
巳巳丑未

丙乙甲癸壬辛庚
申未午巳辰卯寅

此命3歲上運, 癸水生於丑月. 八字中以火土為多, 兼夾身旺. 當時, (不知天高地厚)我拍案判之; 此命不俗. 財運很好乎 ? 客人不置可否. 心下狐疑頓起, 逐於稍後問計於當時授業師傅. 其中一位授業師傅咪眼細閱, 曰 : “吾錯呀, 呢個命行到癸巳運; 仲大把錢搵添”. 在下即時放了一百二十個心, 心諳無礙矣. 逐復客人, 不用太擔心; 只會越來越好; 諸事昌旺. (有看官或會說在下判詞過 “行 ”, 大佬.. 酬勞乃一餐酒店飯而已, 當然一分錢一分貨呢)

時光飛逝, 最近在下複查以作練習之用; 突然發覺, 此命五行欠木, 四柱中又見糸丑未相沖, 13 歲大運又乙辛沖. 女命沖食傷, 落仔之象也. 本命又火土偏旺, 欠木疏土, 難道木乃是用神 ? 逐即撥個輪查之, 友人復曰 : 全中, 唯獨夫妻宮如何 ? ” 只見丑中藏己土, 是為正夫(正式丈夫). 之後具只見巳中藏戊土; 偏夫也(非正式丈夫). 大運寅卯辰行食傷, 更見嚴重剋夫. 即大着膽子問: ‘離了婚吧 ? ” 答曰 : “唔….先夫經已辭世久矣”.

友人娓娓道來, 原來此命少女情懷; 當年曾與某大家族少子打個火熱. 及後珠胎暗結, 唯獨以當時禮教; 未婚產子實屬醜事. 是故產後即被人抱走遠送孤兒院, 百般無耐下與男友飛往馬來亞定居. 是故早行食傷, 丑未相沖之威力; 就此引發此段粵語殘片般的劇情. 最後, 男友因酷愛賽車; 後慘遇車禍而瞎掉, 最後亦患上精神病而自殺身亡.

Monday, December 15, 2008

無料

從本門近來update 的頻率, 就知道本人最近都是俗務繁忙呢. 昨晚看了一整晚電視, 頗有浪費時間的感覺. 該節目就是 “大聾瘋” 茶樓. 先看陣容, 阿敏聰哥加上鄭師傅再配幾位我完全講吾出名的港姐( ? ) / 農夫又間中rap 幾句. 整體來說, 完全是將幾個九吾答8 的元素再加1-2 個名人訪問; 雜燴炒飯式的節目.

最令人(我) 覺得搞笑的, 是鄭師傅同阿聰哥完全撞吾出chemistry. 先看鄭師傅無論語氣/造手/表達方法, 甚至那大關刀式的打扮都是一派老氣橫秋, 用詞又太專門(如評港姐王x罊時又說甚麼傷官見印喜財格, 字幕又打出雙冠見印喜財格) 跟長毛蘇那些什麼辛苦力量得財命實在很大出入, 要知在電視前講術數不是要show幾有料; 而是要化繁為簡, 表現出個人魅力. 那樣, 才可以睇錯羅庚都照收錢呢. 阿師傅一開始露兩手解卦, 試問又有幾多觀眾知佢點樣占出黎呢 ? 及後又即席表現梅花易數, 予人的感覺都是有點無所適從. 最令本人覺得噴飯, 是師傅跟某位港姐(楊C 棋)批命說什麼明年搬屋買樓/要生仔結婚時; 無端端拋出一句 : “比句說話你聽呢 ~~” 港姐答即時好期待地答: “好呀 ~~” 師傅停了一整秒, 施施然說 :“明年事業愛情雙雙得意囉” …此等廟祝/求籤式的批命, 卻又要營造氣氛實在令人啼笑皆非.

節目中又加插一些一蚊消費(但又不注明出處/消費時段) 人實在又吾多明佢想點.. 反而阿聰哥時不時在旁插科打暉, 時而搗亂一番又會令人忍不住發笑. 觀乎這一兩年涉及術數節目, 有線似乎做得較好. 當然, 長毛蘇有時是真的發乎真心地膠噏; 但起碼他是一個說故事能手. 何解會有鄭師傅於節目內呢 ? 相信跟阿聰哥前妻的麻雀腳關系吧…

Wednesday, November 26, 2008

演唱會

實在不能相信, 連身邊從未聽過佢既歌的吾友都話好睇
無可否認, 個人都是較偏愛舊歌如 Wont leave my mind 時期(如 not a serious wound, I wish I ‘ve never met you 等)的作品. 那個憂傷內向的男子, 如喃嘸式地唱歌; 比較更觸目.

十年前來港於會展開show, 曾有人跟我說, 死逼爛逼終於可以企係inoran 前面的第一排(!)不停嗌他也不多應人, 直至用近乎遇溺了的聲音嗌他; 他才勉強望她一眼, 笑一笑. 那種cool 爆的性格, 更顯出他的特別.

近作都是較開朗式的歌曲, 唱腔也轉了.. 老實說, 某些新碟的歌曲是蠻簡單的..chorus 部份也跟以前很不同 (可能就如某報章訪問, 他所說的 “表現出幸福的感覺” 吧) 臨睇show 前幸好喪煲新碟, 不至於有悶場. 到了encore 部份, 很驚訝…竟然是 FACE TO FACE …(於Luna Sea 時, FTF 都不算是熱門歌吧) 接著, 又有Gravity 跟 Tonight. Gravity 於youtube 經已聽過無限次了, 但聽到鼓手頭3下Snare.. 我實在激動得差點想喊.



由於買了$350 的飛, 坐正Panel 後面; 只見其中一文貌似VA 日籍人員邊持mouse 邊操控Visual effect.. (visual 部份也很好看)他竟然每首歌都跟着Inoran 喃喃自唱 ! 係每首 ! 此工作人員的投入態度實在令我對日式production 有了更深的認識. (雖則一向知道日人做事異常認真) 又, 不知見否太耐無睇show 抑或是坐得較後; 井上生的Vocal 調較得頗為大聲, 歸家後也很鳴耳. Anyway, 畢竟10 年了. 無論在場歌迷或Inoran 都變了不少吧.

Monday, November 24, 2008

一日遊

女友買了兩張 Inoran live in HK 的$350 飛. 實在令人長期處於興奮(但不勃起)狀態個多月, 上星期五終於見證了井上先生的拉褲唱腔. 當然, 美人送飛, 當然要開show 前食返餐好既先(實則是小弟於海嘯期間, 多次被要求前往甲級用饍.. 唉 ) 於是, 整個下午不停喪煲inoran 新碟又不停搵炸物情報.



劍心兄欄內, 找到了這家 “豚組”, 據兄韻言; 此地compare with 世貿 “日本吉列專門店” (即無論幾時都有人排隊個間) 是7 分價錢 7 分水準. 既然貨比三家, 不如粗粗地試下啦, 橫豎都無時間可作排隊之用.

Order 如 下 :

前菜三文魚一碟 ($ 58 )
炸豬柳定食 ($ 128)
加喱(炸)豬扒定食 ($ 108)

先講三文魚, 厚切六塊 ; 入口不俗. 就似做reception 個位 Gloria 甘, 望落不過不失; 略施胭粉, 美貌不算驚天但又帶點美態 – 合格有餘




炸豬柳定食 -正 ! 要知一塊豬扒同豬柳是有別的, 豬扒猶如對面做Admin Asst個位濶面 Judy, 乾淨淨又無黎神氣; 孤芳自賞, 一味得淡嚡肉. 豬柳就不同了, 如marketing 個位Sandra, 身份地位身家都略有提升. 有肉得來更是半肥瘦 ! 就如個次你同佢落吧飲野, 燈光幻影下你見佢面圓眼大, 一件Burberry 既trench coat 掩蓋了腰間的脂肪. 到了你把放入口中才發現她那曲線平均的肥肉, 竟然令你食慾大增 ! 炸物收得百幾蚊, 當然有其道理, 在下懷疑此中秘訣只不過在選肉之中…..




加喱(炸)豬扒定食 - 基於在下見兩人餐略貴 ($ 330有蝦2隻有蠔有一件豬柳). 又怕再點炸豬柳定食有點repeat, 故試鐘這道加喱定食. 一語偈之, : 平平無奇, 豬扒真係吾可以變女神. 在下正在享用這件扒物時, 最最最最(係四個最) 不能接受既係, 佢竟然甩妝 ! 厚厚既外層竟然竟然剝落, 在下曾經醉心於廚食一道, 於此一中高價日式餐廳(仲係宣傳稿話由日籍師傅打理) 見到如斯制作.. 實在詫異非常.


** 順帶一提, 此處可謂偷情吉地. 一半開揚式設計, 一半廂亭式(即四人對座於一巨廂內)…實在幾得意. 又, 新開張期內送吉列蝦一隻, 可惜當日是星期五(公眾假期前一晚係無既)

***本人還未進化之排45分鐘去食世貿日本吉列專門店的階段, 所以呢間餐廳既吉列豬柳定食都可以 “返執”
(於店內聽到 Luna Sea 既 "I for you", 再去睇Inoran..應境!)

林師傅

之前那一篇文章暫時擱置

事關有件事實在有點點令人無奈. 筆者首位師傅, 當年曾經分文不收的, 教導在下面相/掌相/風水/八字. 而他的師傅, 就是林國雄先生. 林師傅門下有分作兩批門生, 一種是學生; 即是交了學費, 就是他的學生. 另一種是弟子, 即是過從較密的一類學生. 當日, 筆者的老師曾問過林師傅一個問題, “點樣先—可以成為學生 ? ” 林師傅淡然說: “ 隨緣. ”. 所以老師跟林師傅只是老師與學生的關系, 筆者更不是林師傅的門人.

但是, 筆者可以說一句, 林氏的學問是的確對筆者有莫大的影響. 林師傅天資聰敏, 所有學問都是自學得來的(看完這句千萬不要以為自學容易, 自學是萬中無一的 ), 他更能化繁為簡; 令到學生可以短時間裡能夠了解玄學的基礎. 筆者當初聽聞他是透過自修 “沈氏玄空飛星” , 把玄空之道玩到直逼通靈之準確; 簡直不敢相信. (出神入化到假設他幫你看風水, 可以推斷出你公司reception 幾時結婚; 新郎姓乜同住係邊度)

當然, 任何學術都有其一定的規限性; 若然不是, 人類都不用工作, 專注術數好了. 所以, 林師傅於某些地方是略有出入. 尤其是天干合化/刑沖破害的解釋, 清晰程度就有點不夠明確. 所以, 依在下愚見; 林師傅的第六感是很強烈的(所以在下另一受業師傅曾說林師傅於觸機一道 , 玩得神仙一樣). 否則, 單以他的教義講法; 是不可能把斷事斷得如此精確.

希望今次吉人天相.

Thursday, November 20, 2008

紙皮

很奇怪, 自從開始了 “一個禮拜上三堂課” 的生活後. 寫扑的題材/靈感明顯是少了很多, 亦可能是可以靜下來的時間相對少了. 上班時偷雞做功課, 放工後打波/上堂…放假又要陪女友.. 有時想靜下來一個人四處走走, 都顯得分外難得.

昨天放工, 約了友人拿些東西…順道往旺角的籃球場打波.. 怎料, 不是學界比賽就是封了場…. 距個友人到步還差成個小時…上漫畫屋嗎 ? 同d 小朋友爭書睇 ? 去打機嗎 ? 九千年無打過機, 入去玩食鬼嗎 ? 去桑拿浴室, 去食豬扒拼盤嗎 ? 萬二個心灰下, 恰巧行到旺角花墟街… 晚上7時多, 不算是很多人. 大慨15-6 度的氣溫下.. 街上罕有地散發出一種很平靜的氣氛. 我一路走着, 看看一些花的種類. 突然, 聽到遠處有兩個婆婆的爭吵聲. 走近幾步, 發覺原來二人在為爭紙皮而打架(!)

兩個都接近70歲吧.. 有一個更是駝背的. 各花店的人見此情形, 即時出來看熱鬧; 差在未有爆谷/花生助興. 我突然不知那裡來的一股儍氣(可能見那個駝背的着實可憐), 一個箭步上前大喝一聲. “喂 ! 好L好打咩 ? 甘好打, 不如同我打” (其實想叫那個健全的停手) “咩呀.. 佢搶我d 野呀” “吾係呀…係我黎先架…”二人互相吵鬧. 面對小朋友式的爭鬧..突然間覺得…我根本無能力去幫助.. 隔了一分鐘左右.. 突然二人又扭在一起.. 又秋來秋去. 見那個駝背的被嘔, 實在於心不忍, 於是又再暴喝一聲 “停手 !” .. 無奈的我, 唯有報警了斷. 數分鐘後, 警車到了, 我亦慢慢走開.

這件事, 某程度上令我很感憤慨. 究竟那堆紙皮值幾錢呢 ? 究竟那堆紙皮是否她們生活之源 ? 係現今文明社會, 竟然有人真的會為一堆紙皮打交 ? 幾十人在圍觀, 只有我一人插手 ?! 佢地讀過書嗎 ? 佢地蝕貴租蝕到儍L 左嗎 ? 親身接觸到這件事, 我深深體會到一種社會上的缺陷.

Tuesday, November 18, 2008

集感 MV

Dave Chapelle 本身雖然未算上如Chris Rock 那種神枱級笑匠
但於黑人文化中, 卻以racisim/scocial problem 等主題上表演得極為出色
一連幾段於網上看到的片...
叫做海嘯中笑下啦

劫機



Chinese 定 korean ?



扮tupac (極似)



*註 : Tupac乃是黑人文化/hip-hop 史裡面近乎是最有影響力的一個rapper. 其態度/style, 今天不少星級rapper 亦受其影響或模仿(如 Ja Rule)



註: 片頭係講緊Bigge 同 Puffy(即現今 P.Diddy) 搵人暗殺佢, 但又被其逃脫. 整件事源於Tupac 前往NYC某大廈進行錄音, 被幾名古惑行劫兼鎗擊. Pac 及後負傷見到兩人(同一大廈), 據Pac 所講; 二人都露詫異之色. Pac 於是覺得背後就是二人所策劃, 於是拍了此MV 諷刺一番.

及後Tupac 最後死於Las Vegas被槍殺, Biggie 一年後亦被槍殺.
Puff 則成了美國100大億萬富豪, 亦為一線品牌 Sean John始創人.

Tuesday, November 11, 2008

閒談

一直看到好些blog界朋友不斷進出這裡, 實在令本人不忍荒廢此處. 最近看到玄學界好些八卦, 實在令身邊不少朋友都如娛樂新聞看待. 當然呢, 陳君可以把整個華X集團弄上手; 實在可稱為最富貴的風水師矣.( 大佬, 人地話哂都有私人飛機, 長毛峰個d 得億零至幾億係手, 實在蚊脾同牛脾)

係呢兩位業界大哥身上, 我睇到兩樣野.

第一, 陳生個d; 根本係脫離術數範圍. 我親眼見過佢個d material. 絕對不是擺盤花/擺杯水個d 甘簡單. 佢個d 係要人放血, 用雞血或狗血等等去借運.( 成效如何則不得而知) . 簡單黎講, 我個人並不相信佢係用風水之力去獲取甜甜既信任. 最多只可以講, 佢可能係利用風水師既包裝去接近甜甜. 當然, 一個幾廿歲既寡婦見到一個成熟有為既男子對自已呵護有加/關懷備至; 此男子又身懷異術. 需知貴為全球最富有的女生之一, 日夜身處商界戰場, 獨力與港官開片; 隻身跟京官賣笑. 膝下猶虛, 孤身隻影守空床…她怎能抗拒一個成熟男子的關懷 ? 怎能不 “見仔即濕” ? 當然, 陳君為了成就大業; 少不免在此百家樂桌上放下一點點色相之籌碼, 好能撘上這一條長 “莊” 之路. 人性之奇妙, 有時只不過如賭桌上的一連串 “莊莊” “閒閒” 般的簡單

另一位的大哥, 我有幸與他曾坐在同一酒桌上. 話說當年筆者終日吃喝玩樂, 貪花戀酒; 某日於友人的酒局上結識了某為眼大面尖的中女, 之後此中女跟大夥聯袂(居然又問我跟不跟她去 )往中環某處clubbing (印象中好似是喜喜抑或是Sugar). 此中女竟然帶了我們入了VIP area, 內裡全都是名人社交板的人士. 最搞笑是, 坐了不到5分鐘, 差人就入來揸牌 ! (當日官殺應該很旺) 而恰巧筆者身邊坐着的, 就是長毛峰.

長毛峰一直以敢言/大膽/高調風格行事, 他身負的八宅派功夫有多勁; 就真是真是見仁見智了. 然而, 身位最TOP 地師(佢自己話); 竟然家宅都會如斯容易被打劫 ? 是師傅對錢財如浮雲 ? 抑或師傅功夫未夠 ? 抑或師傅故意不佈陣, 故意失小財以應天數 ? 筆者只能說句: “凡是皆有數 ”

Monday, November 3, 2008

最佳二奶命

最近會見某人客, 乃廣東話所謂 “中女” 一名. 年近四十, 見其不施胭粉; 一身樸素打扮, 眉頭眼額只覺一股很中性的感覺. 閒談中得悉其曾學多國語言, 筆者腦中靈光一閃 : “女命傷官, 千里姻緣” . 當然, 傷官亦有分喜與忌. 為喜則讀書聰明/有成就. 為忌則俗稱 “剋夫” 也. 打開其八字一看, 心中暗叫 : “最佳二奶命也”

乙 己 - 己 庚
亥 酉 - 卯 辰


現行大運己卯, 問事時為戊子流年. 此八字若是以正格論, 理應喜木火. 是故問 : “幼時行丙丁火大運, 以及近年06 丙戌大運, 可曾順利乎 ? ” 答曰 : “衰到爬街” 哈哈, 明白了. 原局地支亥卯拱木局, 卯戌又會火不化. 天干盡透乙木, 可謂從財格矣. 衰在又有年柱及時柱為印星, 從得不純. 故堪可稱假從格.

凡是女命成格, 姻緣皆有憾. 再望其八字, 只得時柱戌中藏得一點丁火; 更是七殺不是正夫, 何來正室之位 ? 再講, 丁火於此局只得偏財無正財. 即是凡此命遇到之男人都是只會有女友, 不會有老婆. 丁火藏於戌中, 入墓; 意味着兩人年紀相差甚大矣. 凡是成格者, 婚姻必有困難; 加上此客副尊容, 都很難有本地人懂得欣賞矣. 筆者放膽問句 : "你男友應該不是本地人吧 ? "

筆者逐一分析, 只見客人逐一頷首.

再看下一大運 庚辰, 筆者就有一點保留了. 月柱乙木與庚金合, 地支辰戌互沖. 刑沖之事最忌天干有合, 戌中的一點丁火被沖去. 意味着可能二奶做不成, 就算做得成也有死人冧樓之事吧. 何處看 “死人冧樓”? 若看官對易學或羅庚有點認識, 便知辰戌丑未為四陰之地; 亦主不利六親. 丁火藏於戌, 不也就是剋死或沖走男友嗎 ? 再說, 此八字除戊土跟亥水之外; 全是屬陰的干支. 六個干支都為陰性, 主姻緣不佳; 隱隱有點“夜來月光影相送, 孤枕獨眠怨春風”之嘆.

八字帶陰, 只得七殺無正官; 夫星又入墓…恐怕真是孤燈獨守矣. 筆者實在不敢坦然告知, 唯有笑着對她說說: “由今天起多上教會/佛堂吧, 須知你的命實在上天造物之傑作, 並不是每個男人都可以匹配的. 多點接近神靈, 可能會令你人緣更好呢.” 客人笑駡一聲 : "胡鬧 !" 屈身稱謝而去.

Tuesday, October 14, 2008

小休一陣

最近成日係sitemeter 都見到一d 無IP 又無referral site 既visiter, 你地(or 其實只不過係同一位讀友only ?)默默既點擊簡直係對小弟猶如江河之擁護..多謝哂先

最近都無乜心情update 呢度, 甘又忙咩呢 ? 其實又無乜野好忙.. 既然無矢放的不如不發. (之前寫個同事二人組, 寫到第二個同事後尾又甩左尾.. 可能睇返覺得吾好笑, 索性吾post 了) Okok, 其實剛剛報了一個課程, 正在嚴陣以待中(唉.. 又扮哂野啦.. 囧) 個課程就係 - 易經 ( ! )

易經其實係五術之源(即醫、卜、星、相、山五術) . 要斷事同做事做得好(即判命同擺風水), 易經一定不可忽視. 易經學得好, 占卜都易學d. 咩叫占卦 ? 識睇命判八字仲占乜春卦呢 ? 其實好簡單, 如果睇一個人搬到去間屋度, 又識得睇佢搬得好吾好, 跟住又識得同佢催旺.. 都算合格矣. 但係, 呢間屋下面係吾係(曾經)藏左條屍呢 ? 會吾會短期內有人跳樓呢 ? 就要靠卜卦去看嘞.

講多一樣野你知, 如果有人同你睇風水; 但係之後教你擺陣又無講邊月邊日邊時擺既話..甘就真係好打有限. 如果甘樣擺完都旺財旺丁既話, 你本身都肯定行緊運矣. 你有冇見過有人半夜起身食茶點 ? 有無見人朝早芝士龍蝦伊麵 ?

萬物皆有時…擺放吉物亦一樣

Friday, September 26, 2008

David Kalb- Horse in Venice, Cali.

Just do it !
Lebron James just 輸 !

Tuesday, September 23, 2008

保持打風

前Korn 結他手歸依基督之作
令人驚訝是, 原來重可以保持metal.
雖則slow tempo, 但勝在夠intensity.


仙遊於八字行裡間

(啟事: 對於還很期待看中環破地獄之行的朋友, 恐怕還要等多一陣. 皆因最近在下於論命一道還需要多加費神. 電話問事之眾位施主, 係呀; 我把聲好細個架; 因為仲未到青春期, 未轉聲之故嘛)

最近遇到一些較特別之命例, 不禁令我想起之前於功夫較淺幼時曾接觸過之八字. 當日曾批過一些令人聽之膽驚之言, 哈哈 ! 回想起來就似講鬼故一樣. 人生, 其實都是悲悲喜喜組成吧.

今早上班, 某朋友走過來輕聲地跟我說其外母去世. 急急安慰幾句, 我急忙返箱倒櫃看其八字. 推算片刻, 不禁暗叫句造化弄人. 吾友其命如下:


壬丁戊丁
寅卯申未

大運



事發

年月日
戊辛癸
子酉亥

丁生秋月, 有卯木助生. 運走甲木, 丁壬合木, 寅卯辰, 亥卯未化木. 其妻之母親屬戊
土(有說為己土, 因己土生金為正財. 但要宮位配合, 我認為戊土亦合理) 五行中木剋土之故, 現今全局為木兼有子水生之. 戊土最喜暖火生為, 家陣燭火難存, 其母大凶 !

再說辛酉月, 天干地支皆金, 洩土氣. 剋洩交加, 正屬閻殿三催, 孟婆四請之象. 戊子日, 全局無火, 戊癸化之一定只會合而不化. 申子辰化水, 只會加重木氣減去火氣, 去世.

一層一層加加減減, 實在沒有什麼秘密可言. 人生是否就是縱橫交錯般整定 ? 在這複雜的一幅巨網, 可能還有一點數理令人可以找到一點點的方向或空間.

後記: 剛巧編寫此章時, 右耳突然耳鳴. 即按書查事, 經曰: 辰時耳鳴右方 -主有客到(!)
大家素未謀面, 若妳有緣看到, 在下衷心祝你永遠快樂.

Friday, September 19, 2008

典故




有時我地講說話會不期然用左好多古代字眼而不知, 經過現代人既擴大及現實化. 其本身意思同現今之意可謂大纜都扯吾埋.但有時又啱啱可以表達到當時既意思, 今日本門試把其看個清楚

如以下例:

你真係夠"格":古代形容"成格方為貴", 即係話個命格無咩特別既話; 富貴極有限.
但係,女命"成格"的話;就特別容易婚姻有問題.時至家陣,有"格"即係話較其他人特別之用語.

例-朋友見你係某深圳夜場饑不擇食,逢女就攬, 可以話
哇! 個件甘豬你都夠膽同佢打車輪, 真係夠格!

正印女友: 八字有分正印偏印, 正印有本身/本來/正當既含意. 而家, 就變左令人本來最名正言順個個但係又一出現又令人吾多高興既角色.

例: 係佐敦跳緊茶舞,你同個湖南妹玩完除衫大話骰; 乾柴烈火, 諗緊問佢既收費表. 但係你個老死突然面清口唇白同你講: 大鑊, 你個正印黎左 ! 即刻以光速埋單鬆人

捉錯用神: 用神係八字裡即係話你要用/需要既元素, 有佢先有運行. 捉錯左, 就乜運都無. 時至今天, 已化為撞板/誤會之意.

例 -友儕間食飯飲野, 結識新朋友後; 興恰恰問人攞電話但係又無功而回
某女友人笑駡: 大哥, 你無野哈化 ? 佢同你猜兩板你就以為佢受溝 ? 捉錯哂啦..

煞氣好重: 煞氣於風水是何物, 我無需多花唇舌. 但若於八字, 煞應寫為殺. 殺者可解之意甚長, 於正面為不畏艱難, 於負面則為有仇必報之類. 今天, 煞氣可以代表一個令人充滿不安/恐懼/心傷之情緒

例-去完一間所謂好得既場, 一出門口. 老友大吐苦水
妖, 頭先個場殺氣好那重喎.. 成場恐龍兼豬扒.. 吾知以為去左侏羅記呀 !

辰時卯時: 寅卯辰係指零晨5點到朝早11點既時間. 現代即指一段好短又好連續既時段

例 -有某癡情男愛上某拳手, 晚晚去同一間間bar都飲野
有眼紅拳手使勁索一口煙, 指住隔離張枱酸溜溜甘話 : 哇, 個條儍仔對你都幾好喎. 辰時卯時都黎捧你場

財多身子弱: 較為近原本子平八子的意思. 本意為一個人財星旺, 但沒有足夠精力去取. 現今則為諷刺別人無乜料子.

例:星期六, 半夜兩點係某樓上吧, 聽到友人暗駡: 頂, 一早話你財多身子弱架啦 ! 揸架M3 出黎, 比人劈幾杯威梳(威士忌溝梳打水)就要人送你撘的士返屋企, 下次吾那嗌埋你啦.

六神無主: 太文雅, 多屬老人家講. 不多花唇舌

行大運: 又一經典. 於八字解為一個人上運中, 一個運為之十年. 行運有衰運同好運之分, 並非行運就係好事. 現曲解作花多了力氣時間令人覺得on 居之意.

例:同快分手之女友去唱K, 明明間房係出入口附近. 但係你帶人行左條長走廊, 佢即刻fing 開你隻手; 怒爆爆話: 妖 ! 你識吾識路架 ? 搞到我行左大運, 早知叫Johnny 送我過黎啦.

見財化水: 命理上解作金生水, 視乎個人五行而論; 有些人可能會見財化水時更好運.
現分解為明明快要得到或已得到之事物其實係禍胎.

例 : 女友人着住套suit同你係Landmark hightea, 突然慘叫: 唉, 仲以為溝左件有錢仔; 有張黑卡揸下. 點知原本來佢供緊3層樓, 仲係深圳同上海有兩件二奶, 有個仲搞大左. 今次真係見財化水嘞 .

Thursday, September 18, 2008

大迷信

我: 唔, 想問你一個quick question. 究竟相信或使用風水同信教(如基督教) 有冇抵觸 ?

他: 絕對有, 雖然此道涉及古代科學的領域, 但都屬於迷信之事.

我: 哦, 係咪即係基督就可以迷信, 其他野就吾可以呢?

他: 係 ! (堅決地)

(根據他的論據. 假使我相信個break掣可以停車, 然後每次揸車都用break掣. 又是否同基督有抵觸呢?)
(btw, 此君是一名牧師)

Tuesday, September 16, 2008

中秋



唉, 又係佢. 繼上次測波測股市後, 又一傑作. 正所謂 - 行家一出手, 便知有沒有. 返去選多次港姐吧啦. (順帶一提, 占卜之學於某派說過; 若使之以測賭博之事, 多數不中, 但若一中而又有利益者. 必有業隨身. 因相傳術數之事乃係助人之術, 使之以利益私擁者反被其害. 不過, 相傳還相傳; 此所謂大師根本連方法都用錯 ! 故有師傅說過此乃作賤術數也)



又, 琴晚第4台無端端做I know what you did last summer. 此片簡直係小弟中學時既classic ! 當年我地仲一行六男女去睇I still know what you did last summer, 琴晚返睇簡直回味無窮, 回味既; 當然係當日咩書包返學既日子; 而吾係睇個女主角係咁係度叫黎叫去啦.

Tuesday, September 9, 2008

拒相

身邊同事朋友皆知在下對命理風水叫做有些微認識, 有時都少不勉請教數句. 基於 在下命苦, 有時名義上稱相贈數句; 實則都會不幸化為成個小時之大批. 本着助人為快樂之本, 一般來說在下亦甚少有托手踭也. 但是今日所遇之個案, 雖有相金之惠但卻則屬運吉之作.


()

()

()

()

()

()

()

()

()

()

()

()

()

()

一看此格局, 先不論從不從格. 滿盤天乙貴人, 相信格局亦不會太差. 然則, 犯得在下心中大駡者; 乃是此妹純屬一名標準甩底之人. 害得在下一直等呀等, 真是等到普選快來了; 還未見芳踪. 過了良辰吉時, 客人才施然到埗, 見其面相平庸之至; 惹得在下心底狐疑. 明明是廿多歲如花碧玉, 現身竟是三十多歲左右的樣貌; 燙了個曲到可以穿梭時空回歸80’s 曲髮. 若說她快將四十, 恐怕盲人組織都會投以神聖的一

返回命理, 全局欠金; 金為食傷. 食傷不現, 大運流年不顯; 靚極有限也. 然而, 地支一片貴人, 相信福份不低. 問曰: 小姐現家處何方 ? 答曰: 南區某名牌私人屋苑向海高層之800 零呎單位也. 心諳: 正所謂地靈人傑, 該樓好極有限矣. 雖說全局欠金, 但食傷為用; 到了24-54 走金運, 應該會懂得打扮了. 怕且到時桃花不絕, 應接不暇呢

又問了一些敏感問題後, 批算到了尾聲, 她突然(竟然) 笑嬉嬉問 甘我有幾多歲命 ? `. 此言一出, 即時惹得在下一面殺氣, 大有手按劍柄; 隨時將其碎屍萬段之象. 所謂論命論命, 乃是適時知進退, 懂攻守機會之道. 豈是廿多歲時問及生死之兆 ? 何妨並非身染絕症, 或半隻腳叉進了閻王殿; 此問不是顯得有點無聊幼稚嗎 ? 我答今天的你, 64歲或68歲為大去之期, 有分別嗎 ? 有意義嗎 ? 加上觀其貌色, 此問決不會是認真問題; 恐怕是小女孩想試深或消遣筆者來也. 我掐指一算, 寫了個數; 頭也不回相金也不收地絕塵而去.

Greatest Prank Call Ever

Were you his gay lover ?

Monday, September 8, 2008

Friday, September 5, 2008

踢爆

唔..睇你見識過邊樣 ?

Wednesday, September 3, 2008

陌生都市

受陳兄感染
終於搵到這首歌 !
當年眾書友仔既discman插哂sammi既碟
我就懶吾隨波俗流聽action figure

呢d咪叫扮哂野囉

Tuesday, September 2, 2008

誤人子弟

有冇人知係邊度搵到呢隻碟 ?

Thursday, August 28, 2008

K-100

先置聲明: 其實我亦好鐘意聽gagnsta-rap

"Envy me, I m rap's MVP (Most Valuable Player)
I aint going no where, so you can get to know me."


以上個句係G Unit2-3 年前既一句歌詞.
首歌好出名, 背後倚靠fiddy cents 既成名; G-Unit 既爆出
個個成員即刻由街頭古惑仔(美國黑幫Crips)搖身富豪一族.
(fiddy 而加住既係前拳王Ali 既豪宅)
好了, 發左達 - 內鬨- 先是The Game 頂吾順
跟住Lloyd banks 新碟再仆, fiddy 新碟可聽性係零.
G-Unit 新碟...出左都吾係好知囉.

Lil wayne 甘都出到名 ?
背後原因應該係世風日下
加上假假地都叫糸出名門
- 老豆係出名rapper 又係大拆家(!)又係富豪.

事出有因, 轉行聽trae Z-Ro.
攞黎做gym舉緊個80 磅啞鈴做配樂零舍bu !

Can you hear it ? (PV)

如歌名一樣, 你聽到嗎 ?




(如果我吾講...你會知佢唱緊英文嗎 ?)
(如果你聽到佢唱英文, 你聽到歌詞講乜嗎?)

Wednesday, August 27, 2008

時靈吾靈

根據某些派別, 風水之物只要放啱位置; 效果就應自然會出現. 然而, 何解有時擺左都吾應驗 ? 風水佬真係呃人 ? 自已福份吾夠 ? 我以前過去每隔一段時間就會請風水師來睇一睇, 到現在研習術數才發現中間的一點玄機. 原來, 佈局擺設是要摘日取時的. 就正如食藥一樣, 何時食/食多少都有道理存在. 以個人經驗來看, 一般師傅都會於化病化煞方面做得比搶氣奪旺為好. 皆因有分動靜兩方, 靜者宜化; 動者宜搶. 於寂病位靜態時佈局會較有成效, 於旺星動態當旺時佈局則會事半功倍; 而化煞撞中無事無幹的日子, 機會較搶旺氣高.

而我深信, 某些師傅是會故意不摘日的. 第一, 他們可能不信此套理論. 第二, 命運乃係一張龐大的交織網, 大方向不會變; 但中間亦餘有一絲空間可留於凡人自由活動, 自由選擇. 故此, d 師傅會讓客人隨意擺局. 他們認為, 你有運的話, 隨手一擺都會是吉時; 無運的話, 就算機關算盡, 都會遇到百般阻攔. 誠然, 某些師傅於電視上隨口講完都會好像成真諦一樣; 其實那些師本身都是在行運之中. 亦即是話, 就算他們不是做風水一職, 做個sales 都會瘋狂爆數一樣.

好了, 吹了水這麼久. 正所謂戲無益, 係時候再潛修了.

祝各位諸事順利 ~_^

Tuesday, August 26, 2008

星期六子夜場之港女遭遇


有天跟很久不見的故友見面, 昨日同窗書友; 今天已是上班一族. 寒喧數句, 吾友即爆句: , 個晚係登龍街; 扯衫尾跟人去人地個生日會飲野; 一入到去成20 J. Man 40 Angxla Baby. D 仔輪流同佢地玩, 我地幾個廿幾歲既女仔(我心諳:其實都廿到尾啦), 當堂坐埋一邊 .. 仰天長嘆一聲, 仲慘過長糧個日發現被老闆拖糧. 吾駛講, 當晚又係自備三味服務矣 - 即齋飲齋坐齋睇三味兼備. 當然, 憑我多年經驗; 從她那一聲長嘆, 都感到當晚拍烏蠅程度有幾壯烈

之後一行人踩上樓上cafe. 竟然發現一個極吾似香港既地方, open area 又有冷氣兼有幾把疑似芭蕉葉風扇. 淡黃色的燈光配上幾杯什麼orange 雜飲, 忽然覺悟: 三千年無出來玩, 呢個星期六竟然上左呢個甘渡假feel cafe; 難道自已經已得道成仙 ? 放棄了十五二十兼lucky 大話骰 ? 同場加映: 隔枱是一張8 人靠牆枱; 竟然有4 位妙齡女子一口氣坐在靠牆一面, 剩下對家一列4張空凳. 吾友即口賤說 , 呢班女黎相睇呀? 我隨即答口: ‘係呀, 陣間行過八兩金入黎, 肯定嚇Q死佢地呀.. 佢地仲肯定會話: 妖! d 都叫係仔 ?! 不如我叫埋我老豆黎啦 !”

I swear

相比起當年, 井上先生老左好多.
首歌雖未達很悅耳的水平.
但chorus 部份卻很有當初中時聽日本歌的感覺

Wednesday, August 20, 2008

S.K.I.N.- Beneath the Skin

Yoshiki+Sugizo+Miyavi+Gackt

呢隊組合算吾算日本最強 ?

Tuesday, August 19, 2008

閱讀報告


一口氣買了紫微楊的四本書, 卻未能一口氣讀完. 坦白講, 頭兩本實屬買錯. (看完後花了很大力氣才逼自已不去燒書) 後來買了另外兩本, 終於有點睇頭; 分別是玄空記異/術數述異/天網搜奇/燃犀日知. 四本書想表達的內容雖然不一, 但作者的個人中心思想卻有很清晰的路向. 這正正是令人着迷之處

先不說紫生於術數上的功力如何, 他於諸門學問都花了長時間的研究; 都足以令他較其他業者領先一班.( 當中包括太乙神數, 即古代占卜) 他較強調的, 是一個人的本身積德及日後運情的關系. 運勢的好壞與個人積德好壞會有密切關系, 所以小弟有時給人批命都會好言相勸, 多做義工/捐款予慈善機構/少作惡業如墮胎之事等.

還有一點, 在下覺得較反映到業界的現實. 雖然他也收了十多個門生, 但卻也不易於友儕間透露一點點秘訣. 要知道, 玄學這種學問有別於炒菜, 單是於落鑊時加鹽同上菜前落鹽就差之千里. 書中亦表示, 現今庸師滿街之餘, 高手本身的一套絕活亦多秘而不傳. 可能中國人受武俠小說影響實在太大, 一個充滿古代色彩的師徒制; 足以把價值連城的學術長眠於地.

Saturday, August 16, 2008

IsabellA LeonG English interview Mummy 3

陳大文講得無錯..

以初中都未畢業, 佢而加既英文真係好L過好多港女 !

港女們, 不要放棄; 加油呀 !!

J Rock 回轉

佢地d歌其實吾差..
起碼好過Penicillin
可惜生不逢時
又吾夠靚仔

個個年代係
遠在Gackt 未成名前
Luna Sea 都上岸了..

Monday, July 28, 2008

午時已過, 夠鐘走人

話說那天正有探病, 鄰房有一病友. 高齡大慨87歲, 看上去也很是精神. 那早11時左右, 還見到他那50多歲既女兒在旁的侍奉. 我未有多加理會, 只是繼續給家人洗面等等. 過了半個小時吧, 聽到護士閒談; “佢嘔呀..” 唔, 應該係進食噎到吧.. 又過了幾分鐘, 有多名護士快步走進該床位, 我跟隔鄰閒談’ 好似幾大鑊喎” 答曰’ 哈 ? 好似 ? 直情大鑊啦 ! ’ 只見醫護人員開機-拉廉-心肺急救; 三組動作一氣呵成, 有姿勢有實際; 納稅人既錢應該交得不枉了.

正在幫家人抹手的我喵下手錶, 12:35. 心諳: 午時已到, 若過了1點; 踏入未時, 應有救了吧. 又過了十多分鐘, 見到醫生與其家人交談; 醫護人院亦步出. 換了另一部機以助呼吸, 唔…救了吧…? 又過了半柱香時間, 剛巧有事走往等 車立 大堂, 見到其女一個人坐在椅上. 我問: 無事嘛 ? 急救左啦 ? 她哭住答: 走了…我驚問: huh ? 吾係急救左咩? 頭先仲見換左部機架喎…? 再答: 真係走左啦…人始終都條會行呢步既..

再望一下錶, 剛巧未時(1點鐘).

珍重

Monday, July 21, 2008

開心主流派

星期日晚1點亞視突然重播..

Wednesday, July 16, 2008

Miyavi feat Sugizo

近來俗事繁忙
會少左post 新blog.

本週金榜- 雅 feat Sugizo.

Wednesday, July 2, 2008

技巧

剛巧看完張堅庭的訪問, 說到現在是處於一個’ 權威破產的年代’. 叫年青人做野, 不可以說” 我叫你做就做!” ‘你吾做 ? 我聽日炒左你 !’ 年青人若果聽到上司這樣說話, 只會產生東家吳打打西家既念頭, 多於認真把工作做好, 到時双方都冇着數. 所以上司如果說, ‘我都好慘架, 你幫下我啦..’ 利喜劇性既說話技巧, 反以會有意想不到既效果。讀完這篇, 令我想起一件往事.

一日, 友人的友人因情自殺, 好彩死不了. 於是輾轉交予在下批簡八字, 當時既我當然各樣技巧未夠好(雖則家陣都係求學期), 其中一樣; 就是說話的技巧。 命盤一開, 腦中心念急轉; 當下於電話跟她說, ‘試下忍耐下吧, 到年尾之時就是完結之時。’. ‘huh? 會完結?’ 她急道。我答; ’係’. 於是對方怏怏收線, 說擇日再審.

日月如梭, 轉眼數月, 我問友人干嗎還不見面來個正式推算 ? (基於她們深厚友誼, 我只說象徵式收十蚊酬金). 友人覆話, 原來此姝竟然去了問卜, 印度Tarot 個類. 哦, 明白了. 其實她是想買個希望, 而當日我所說更是剌破她所願; 當然同我謝絕來往啦, 哈哈.. 看來我都要再苦練說話技巧多於其他了

Friday, June 27, 2008

Celebrity Apprentice

一口氣睇完Celebrity Apprentice (中譯飛飛黃騰達-名人版), 之前睇過Hell ‘s Kitchen. 當然, 我並不是在此發表什麼由C.A看的新香港.. 或從地獄廚房論新中國. 我很感觸的是, 點解香港電視工業仲要停留在一個劇本此主線, 但由不同既人/不同既服裝/不同既角色(如演O記/消防/差人/律師等)去作一個永久性循環使用 ? 估勿論C.A劇情之真假(本人覺得某些情節肯定經過計算) , 但此節目帶出了的intensity絕對非任何港產節目所能替代..OK, 當中可能亦涉及觀眾層面.. 但我係自已地盤.. 鐘意點講就點講.. 哈哈 !
C. A裡很難想象仍很有味道的Caro Alt (80’s supermodel ) 都經已就快五張.. 亦難想到成6呎幾既CountryMusic Superstar Trace Adkins是永久性斷了一隻手指 . Well, 就算作為男人, 我都同意Trace真係幾型/幾有佬味. 當然, 仲有其他什麼世界冠軍拳擊手同America ‘s got talent 既刻薄裁判 Piers Morgan. 顯然, 此輯C.A 都會盡用佢地既celebrity network, 喪打友情牌; 捐款去佢地代表既charity fund . 個人覺得C.A 係Trace 身上係營造左所謂 Spirit of America (估勿論當中真定假), 佢係一個好好先生, 同是又係一個硬漢, 甚至連Donald Trump 個女都係拍賣會上投左一個同Trace 食飯既約會.. 無論男女老幼都好buy 佢。 Okay ! 皆因你我身邊都無一個甘接近完美既gentleman吧.. 順帶一提, 拍賣會上竟然有同英國皇室貴族既一個high tea機會..who the fxxk cares ?!!!

每集睇下參賽者各施各法, 以免被淘汰; 應該比睇你搵證據我搵證據; 你愛我我又愛你/你吾愛我我都愛你/我扮聾/你扮啞/我扮跛/你扮盲.. 等等.. 好睇得多吧 ?

另外, 於友人blog 上見到Shaq (O’ neal) 既dissin rap. 哈, 想當年Shaq 既唱片其實是大賣過(當年既Shoot-pass-slam) . 佢都曾經同過Westside Connection 個班人合作過添(即Ice Cube, Mack 10 個班…Mack 10 又係TLC 既 T-boyz ex-老公) …所以要佢即場free-style, 完全難佢吾到. 但係, 佢既歌既可聽性就認真…..-_- .. 講開又講, 好多球星都會cross-over 係音樂或電影上. 如AI 曾經錄過專輯(曾經聽過其中一首single, though把勁吾似!)..Ray Allen 拍過He got Game (都係籃球戲啦.. 有講black community 問題) Carmelo Anthony 同 Tmac 都拍過Hip Hop Rap 既music video.

Wednesday, June 18, 2008

Thursday, June 12, 2008

現代玄學家 Part1

我不是一個術數界既警察, 亦無資格去批評任何人
以下只是我個人觀點, 純粹睇吾過眼.

@2:31 麥XX 小姐說說過山車可以轉運, 簡直大快人心, 原來轉運真是如此簡單啊 ! 既然有過山車, 不如建議全港所有術數專員集體收山, 從此搬上30幾樓.. 足以轉運有餘矣 ! .. 麥小姐亦可以偕其engineer 老公一同開發過山車, 又一財路; 遠勝花錢看相呢 !

@7:11 做保險既劉小姐話六八位冇人敢坐, 可想而知佢有幾甘"有料", 簡直曠世奇材, 對玄空風水可謂熟練至筋脈逆轉, 倒行逆施; 反陰為陽, 可謂前無故人, 後無來者 !

(註: 玄空秘旨云: 六八為吉, 進財/利田宅. 六八皆為吉宿。)

劉小姐於電視台此番說話, 實在用心良苦, 功德無量 ! 讓各位風水學生能夠記住六八為吉才對. 上天惜才, 賞見其苦心, 逐令其生意穩步上升. 可喜可賀呢 !

最後一位區先生, 簡直神仙化身, 呼風換雨; 叱咤股壇, 就算昔日股聖香植球再世返生, 定必重金磅水, 拜其為師 ! 何解呢 ? 請留意@9:16那段, 原來他表面說認識有神秘師傅, 深諳托市之技, 故他膽敢說中鐵必升. 咪住, 中鐵今日造 $6.2.. 佢個日係9個幾喎..! 哦, 正所謂天下道理殊途同歸; 兵法術數股市皆為易經陰陽所生; 記緊實則虛之 ! 區師傅於電視大呼中鐵跌不了, 經已天機盡洩, 凡夫俗子豈能洞識箇中玄機? 明眼人應以救火速度, 及早沽之….. 若吾記得打俾扑架(booker) 落沽單, 足顯福份未夠, 應當此劫矣..

以上三寶簡直係香港術數界之光, 開埠以來不可多得之瑰寶; 假以時日, 必能練出驚天地、泣鬼神之藝業. 具體而言; 分分鐘遲下能夠貫穿陰陽, 回到未來造福萬民

可惜我資質愚鈍, 銀根又短
終身難望其項背了..

Tuesday, June 10, 2008

西遊記

頂 !
星期一紅日, 倒X 甘早; 相約了師傅跟客人到了全灣區看風水; 我兼職書童一名. 一進屋內, 師傅手執羅庚; 往四周視察; 指手劃腳, 做徒弟既; 一朝早吸收幾多得幾多。佈局搶陣, 當說到財位如何佈置引進, 聽得屋主雙眼發光。當然, 我侍奉師傅則近少不免伺機討教平日書本上不明之處。

半柱香時候左右, 師傅開始為客人批命。屋內有兩人, 為男屋主及其新識女友。命盤打開, 師傅屈指一算, 淡淡然道: “唔唔, 女施主桃花甚旺; 早年應曾棄掉嬰兒(墮胎), 今後希望盡量不要重蹈覆轍。” 噫 ? 話到此句, 我當然精神為之一醒。而女施主妙目一睜, 不作否認, 亦不作承認.. 哈哈 ! 再看屋主, 面色一沉. 明白了, 買了新車; 突然發現原來曾經大撞過; 真係大L鑊 !

再過半柱香時間, 推算完畢; 隨即功成身退, 收錢走人. 屋主此時執意送行, 話說一出電梯門未達管理處; 屋主突然要求有要事詢問。哦, 原來頭先女友在旁, 不便明言某些concern. 此涉及私人問題, 我當然識趣行開。

後記一則: 於出發前一晚, 曾致電舊友問及如何到該屋苑; 舊友解答後, 多口問及所為何事, 而我亦直言為風水事故..吾友竟譏此舉甚為神棍.....唉

Friday, June 6, 2008

Wednesday, May 28, 2008

Fire Act -Cirque du Soleil

有speaker 就要睇啦 !
一個字 - 正 !

Tuesday, May 27, 2008

Air Jordan XXI Commercial

應該係將每個MJ 既經典鏡頭重新由小朋友演譯
最尾MJ 出場幾有大師筆觸

Larry Bird vs. Michael Jordan

越搵越多!

Jordan Commercial

新舊對戰

Shaq's Neck Taco Bell commercial

預告片

姑勿論有多離原著
武打情節有多蒙

要拍出的,只是一個感覺

Friday, May 23, 2008

Sexual Healing

一朝早返到公司聽
人都醒晨d !

Thursday, May 8, 2008

扭曲了

雖然樂壇有冇得救都經已深知肚明, 但當鐘情hip hop/R n' B 既我一見到此姝都已偏心地加分了. 古銅色既膚色(對, 有段時間我覺得古先都幾型), R n' b既節拍加上低調的見報率/緋聞, 都已令我多加注視. 可惜, 由'高手過招'的neo-pop(我作的), 到扭曲既日韓式曲風都等於一個字 - 抄 ! (附帶一言, 呢首完全係Boa/宇多田光式既歌, dancers 都配合到, 但係佢咩事要着到甘punk? 係祖兒個套"逃" 既MV 借衫? )

抄本身吾係一個問題, 香港很多文化(如有的話) 都是先抄回來的. 就算樂隊自身創作, 一開始都會是先玩別人作品; 然後再演化出自家風格. 整個事最精粹之處, 就是由抄與作之中的進化過程. 這個過程會帶出整個文化的一次改造/衝擊, 當中表表者莫如日本, 吸收力特強; 再進化出的東西有時竟會比起原作者更進化. 你看就算punk/hip hop 文化, 到了今天的日本; 經已變成另一種令西方也尊重的事. 有一說法(源自wyman), 就是日本本身經已受過了大概三個年代(如阿婆年代經懂得各大名牌)的文化/名牌的教育; 種下了今天成熟的果. 而香港呢 ? 無論音樂/電影, 還是停滯在入口名牌(牛王, V.Tam除外); 甚至站於賣錢立場, 竟要遷就大陸市場; 返回舊式'娘娘地'年代(有看過劉加玲的時裝廣告嗎?).

這一齊都不打緊, 因為文化不及經歷重要. 最緊要香港人仲識得踏地鐵時爭想恐後, 你推我撞; 見到大肚婆吾會讓坐, 證明回歸後的香港仲有競爭力; 對趕上車的熱心好比要趕上世界國際城市的決心一樣熾熱. 至於文化及音樂嘛, 齊齊整多幾首"始終有你" 好過整埋哂d 鬼死甘嘈既歌. 遲下如果有什麼cross-over, 千祈吾好同外國歌手合唱; 一定要揀d 國內歌手; 實行軍歌大合奏. 證明愛黨愛國, 阿爺大喜之下金槍一洩, 乖孫嫩口張開; 樓價股市豈是今日龜縮可比?





Tuesday, May 6, 2008

一切都是命, 半點不由人

前言: 太耐無寫過命理, 最近接了一單飲茶灌水case; 報酬乃係文華東方酒店一客海南雞飯. 哈哈 ! 今天只談命理, 即時去片 !

1965-9-9

丙 乙 乙
寅 酉 巳

某才俊於9月出世, 命屬丙火, 金旺. 本命於31歲前屬火運, 身弱有火幫, 故雖出世於越南, 但長大後於美國畢業, 得沙紙10數張. 後入大機構, 身居要職. 此命老婆係木火傷官格, 傷官傷官; 意指傷害官人, 樣貌非常嬌麗但激死老公也. 故於今年已離婚. 此命於數年前來港做事, 得一職位但職務清閒; 月入都4-5萬再加bonus. 可惜此運為41歲前最後之吉運矣.

今見此才俊, 謂之現在失業/無工見; 女兒於美成長還需照顧使費. 有何解救 ?我問.' 看來經已失業半年矣, 請問施主如何生活 ? 答曰"臨行前, 老外番鬼贈送幾個月糧嘛(遣散). 之後放諸炒藝作業, 今已所餘無幾" 再曰' 現打算臨死一擊, 於美國之credit card 盡吐床頭金, 得資數十萬; 逆市再戰, 輸左破產罷L就; 話吳定返美申請失業救濟金都仲得'. 我聽後大驚, 囑道: "才俊之命其實乃忌財, 之前曾身高要職乃係行喜運. 現行金運, 金溶後化水, 水會滅火. 你命屬丙火, 胡亂得財反而惹禍上身.."

這位施主因自身努力, 曾經得到過事業成功; 可惜亦因此而建立到膨脹了的自信, 於失運時, 他更相信自已; 於是要憑個人努力及才智去闖投資市場. 這一切不就是時下最普遍的現象嗎? 窮-努力讀書-找到好工作-買樓結婚-市場不景氣-再度努力- 找尋個人最有信心做好的事(但又吾想受老闆氣喎)…..卒之呢 ??

後天的努力/成長過程 而發展出的思維是很重要, 但是都已反映在八字之中. 懂命, 是要知道自已應何時進與退.

Wednesday, April 30, 2008

Tuesday, April 29, 2008

Won't leave my mind

2樣令我好L氣憤既事

** 金塊輸左比湖人 4-0

萬金打造既 AI 跟 Melo 竟然連1場都贏吾到 ?!
(小弟今年買左3對Melo, 怕且要罷買1年 )

** 一百萬人的故事

係而家既香港, 窮 = 外星人 ?!!!
點解要放到甘大呢 ?
窮 係咪絕症呀 ?
無記直接搵個solution 俾佢地會吾會好d 呢 ?
個d background music 令人十分反感…
而家係香港淪陷 ? 定係文革焚書坑儒 ?
啱啱睇到陳奕迅好直接問個阿伯"你個仔吾理你
架 ?"吾L 係哈? 點會用d甘negative既字眼
問獨居老人家 ?

Friday, April 18, 2008

曹格-背叛

原唱反而不及

背叛

超好聽 !

Wednesday, April 2, 2008

灌籃高手

一個字 - 正 !

日本牛奶廣告


最尾個個最搞笑

(由於種種關系,
本站將會不定期更新)

Wednesday, March 19, 2008

最終回

可能是最後一篇blog 了
就以回憶作終結吧…..珍重

玩具系

聖鬥士星矢 - 超合金玩具, 男生之愛 - 必玩.

四驅車(有架叫地平線) - 曾經有觀樂今宵搞比賽, 用電單車鬥四驅車(使吾使呀 ?) (若$150/ box ?)

任天堂紅白機 - 哇 ! "不如你黎我屋企打機呀 ? ", 成為同學間weekend最佳節目

世嘉 - 較另類之選擇, 但都係男生之愛. (甘d 女仔玩咩?)

He-Man - 個action figure 心口1邊係交叉左既, 等你用奸角同佢打交都有特技之效

氣槍 - 有男生未玩過嗎 ?

娛樂糸

A club 漫畫書 - 年紀太小, 要'痴'大哥哥看的

IQ 愽士/山T 女福星/星期6晚成12:30先播既聖鬥士/足球小將/ 單眼小子/Q 太朗/摔角超人/叮噹 (排名不分先後)

天下/中華英雄/相聚一刻(似懂非懂)/街頭霸王 (再嘈昇你呀啦 !)

劉華既江湖片 - 細個睇佢好似做乜都好睇

無線台慶 - 冇機打, 睇電視啦.

龍珠 - 又一男生必愛.( 杜格拉斯個髮型成為型既指標)

三國誌 - 男生必打糸列, 最正係3人同打

街頭霸王(街機) - 吾讓round, 因住被人打呀(人地兩個項住我一個, 我試過冇讓, 都係罰款4蚊了事.)

包青天 - 兩台聯誼同播..睇到有d頭暈身慶…

地圖袋 - 兩大類別, 一係靚女用; 一係曳既女用

M Duck - 從來吾覺得靚

Le sport Sac - 係靚, 但嚴重缺乏剛陽味. 想買又吾敢買(細個個陣要$6xx 一個, 算貴啦)

Yes ! - 城市驚喜乃係每期必看

鬼故事 - 震哥仔另一傑作, 夜晚睇先會驚; 日頭睇可以當笑話.

城市獵人 -勵志式漫畫, 真漢子的教科書(但成龍電影板醜化了)

童夢 - 後尾被個西班牙人打敗左 ?

伙頭智多星 - 講煮野食, 大左睇諗返起d劇情真係超誇張.

返學系 -

ETV(教育電視) - 最好睇係中文科既古裝板, 混美無記劇集. 英文科有時都有d好、野. Maths既堂有時搵人扮太空實驗室, 當時Lo-Fi既製作算係吾使上堂既一點娛樂.

衛斯理/金庸 - 吾做功課吾溫書就睇小說吧啦

Dr.Martens - 成六舊水對, 有d槐對父母(今個月要俾多d家用)

Air Max - 又一掠水之作.

Jean Paul 銀包- 係名牌鬥爭下(笑)個鐵片一定要露, 吾露衰過冇交功課/考試肥左.
(講起錢, 有某位高兩級同學一個月有4千蚊零用(!))

金融系 -

Yes! Card – 哇, 暗閃/閃中閃.. 抽中快d攞去放啦.( 金股匯投機細胞開始發芽)

大哥大/龜殼 - 金融糸既派頭

不能識別糸

Body Glove -天真地以為稍有潮氣既品牌

靈通天地線 - 年紀較細, 睇落都幾驚.( 之前仲有個鬼故係歡樂今宵播, 吾記得左個名, 仲驚 )

有個明珠台做weather broadcast 既女混血兒 - 都而家都吾知咩名lu.(超索!)

不吃不可 - 好似係台灣傳來既零食, 有紅色/黑色包裝

太古城溜冰場 - 細路扮大個仔, 去wet !

大眾電視 – 超女仔(or八婆)既書…諗起都驚(但記得邵美琪有張相係個度真係超靚)

機鋪 - 禁地, 多被人撩/多劈友(有冇人真係見過?)/ 多食煙/多黑社會(!)

同朋友同學去完; 千祁吳好話俾屋企知呀. 咪做二5五仔呀 !

歡樂小天地 - 即霧險樂園前身(?)仲天真仲未夠膽入機鋪前既樂園

冇冷氣既巴士 - 同飲品名稱同音, 熱鍊死 !

褔麵 - 廉價小食, 食完吾好話比阿媽知(“成日食味精.. 又吾食飯..etc”.. 將不停轟入耳仔)

特異功能 - 無記都搵d “高人”上去表演(俾着而家, 肯定超多投訴)

E-kin - 啱啱留長頭髮, 未拍古惑仔前; 通街都留個種頭.

染髮 - 90年代, 某年summer, 通街都係染髮既人.( 可能係Sammi變金毛鈴個期帶起 )

call 機 - 冇call 機點出黎行呀 ?! (行泛指wet/浦/玩)

十八伴-少男恩物, 她(忍不住女性稱呼) 沒有龍虎豹的浮誇, 沒有PlayBoy的高傲,
減去了藏春角的虛偽. 洗去了鹹書的污糟, 平衡了無數少男的心理; 當年絕少有什麼小六圖姦中三/中二3皇一后之案件. 此書應記一功 !

Thursday, March 13, 2008

秒殺

千金

懶洋洋的..
什麼也不想做

病了…小時候最喜歡病了不用上學
留在家打機/睇電視…總之, 不用上課就最妙

長大了, 病了發覺什麼也做不到…
機到不好打了….
人也像廢了的一樣…

病了還要返工…簡直是煎熬 ..
(但是, 壓根兒我就是返工也只是等放工!)

病了, 妳還要來找我…
還要陪我渡過細菌滿佈的一晚

多謝你…

Friday, March 7, 2008

7日



















自從做左辦公室冗員後
發覺其實一直坐朝9晚5生涯並不好過
雖然, 做front line 人士可能要34 C下着老西跑數
(我都試過 !)
但起碼生活會有點激情吧

好了, 如果自身業務/duty 不繁忙的話
吸盡辦公室的日月精華後
(如與各方同事吹水)
日子還是dry dry 的過

係呢個時候, 靜如死水生活;
都會為一些靚人靚事所吸引
(就如某些dry 如 乾屍既OL 會為某些日劇/韓劇要生要死一樣)

坦白講, 首歌應為女聲所唱, 鄭生的高音位實在有點牽強
但不打緊, 有我最愛看的周小姐.
(我常覺得周小姐的外貌及劇中的性格很合我的類型喎)
(被女友聽到的話, 本人將會在3秒內被打靶)

劇情暫且不談,
(周小姐d喊劇係假得過份)
(唐小姐既演戲招數都係個1-2度板斧)
但簡單來說; 是我近年難得會追的電視劇
(對上一次是天幕下的戀人呢)

Tuesday, March 4, 2008

MENG WAN feat. MC Yan

好耐冇見過阿仁啦!

Friday, February 29, 2008

時時食

















勝利小廚

聽到很多食評都不斷警告千萬不可幫襯此店, 本人本住除死冇大事之慨.(根本就係放假冇野做). 終於到訪此店. 下午4:30左右. 面積可以, 夠光猛; 樓面並不是亞叔之輩.(食評曾批評樓面態度之差直逼打交) 坐下即叫2客海南雞飯, 5分鐘左右上枱. 雞夠足料, 飯就偏黃(少見油飯煮到甘黃, 應該另加香料煮). 附上一碟2色汁料. 食落口其實不壞, 略嫌飯未夠熱. 雞亦不見是如何上等之物, 但, 當然比茶餐廳好上幾倍. 小解時見有多位泰籍幫廚, 相信與個碟醬汁頗關系(基於那種spicy味係從來未食過也)


盛惠 $38 加 $2 凍飲.
(好過好多茶餐廳, 但不足要排隊受氣)
(睇過阿蘇介紹此店個集, 讚到天上有地下冇,肯定有鱔稿成份!)
德國熱狗

同場加映, 基於本人(勁)大食之故, 轉往後街到訪此店. 之前已食過鎮店熱狗, 今次單飛德國扒漢堡.
上次熱狗之敗筆, 因麵粉勁貴; 令店主換了另一較次等之麵包(消息來自吾友偷聽); 口感較曳. (並不是曳如麥記之流, 但起碼不值$20一個包吧). 德國漢堡既肉係以豬肉混以牛肉而成, 包內另有又熱又溶緊既芝士配以洋蔥而成; 熱量應該嚴重超標. 總之, 寡人會隔1-2個禮拜就要食.

盛惠: $ 14.

後記:

越多去搵野食, 越發覺某d 小店都有以下奇怪現象: 多以家族經營, 現已為第2代人打理. 生意好到吾信, d侍應態度衰到以為係同古惑仔講數. 多有鎮店食品, 永遠冇分店. 坐到好逼, 冇分旺淡季; 價錢不高, 應該冇鋪租之憂; 永遠員工d 樣係啱啱死左老豆, 仲未過頭七. 邊d 係最佳例子 ? 中環九記/佐孰澳洲牛奶公司/天后大利清湯"月南"/勝利海南雞飯.

橫掂喝住d客, d客都仲要甘儍甘天真黎幫襯, 又使乜有服務呢 ?

Tuesday, February 26, 2008

Thursday, February 21, 2008

甘都出到街?

吳好講大話啦...

Wednesday, February 20, 2008

Portishead - All mine

放左甘多日假...
深諳戲無益既道理
每次站在一遍術數書海面前
自已都不知不覺甘縮細緊/慚愧緊
自已所識既實在太少...
要成為執業者, 仲有好一大段距離..

唉..雖然真實年齡仲係後生
但係..心態上經已老左好多, 吾係話經歷左生老病死, 但係越黎越覺得人生係一場夢. 有時諗返起以前做過既事, 同今日既結果. 其實都算有跡可尋; 而家既我今日所做既事.其實都係為未來而準備, 呢d因果既理論, 就好似一個往來account, 亦即係話; 其實因果係主宰緊好多事同人. 所有突然發生之事, 並不是隨機的..即係話, 其實意外亦係一種非自願式(?)既安排; 而係一種無形既機制去令萬物平衡.

近日接觸了一位佛教高人, 又有一番領悟.

Sunday, February 17, 2008

Tuesday, February 12, 2008

富豪飯堂





福臨門

臨出發先知係富豪飯堂既福臨門(仲要係我請喎!)即刻上網做功課睇下有咩好食, 上到openrice見各人既評價都係標榜冇味精同新鮮; 即係六叔講故; 靠斷估也. 去到飯堂,由reception到落單待應都笑容滿臉; 舉手投足都有由內至外既內家功夫, 怕且吾係普通等閒交戲之輩; 掉轉頭分分鐘鐘仲有禮貌過d食客. 哈哈 !

菜式如下:

蝦餃 - 真係幾好, 冇味精, 吾係好鹹. 皮夠薄

楊州炒飯 - 吾油/吾濕/些少乾身/分吾到佢落左鹽定係豉油/口感一流...應屬炒房高手之作

仲有叫左炸腐皮卷/腸粉/馬碲糕/戶頭糕/發財蠔豉..etc

食到尾聲, 友人竟告之原來呢度既野食好多都係即叫即整(!)
吾怪得之有d野等左甘Q耐啦…

總共叫左大慨10碟點心加1碟飯…
我記得menu上好似40幾蚊一個點心
埋單個刻, 竟然係友人搶閘
隱約見佢攞3張 $500, 找返300幾蚊
(即係3個人飲茶都要 $1200 ?)
定係我睇錯? 係2張 $500 ?
(甘樣好似make sense d囉)
(定係今日初六双計?)
(後邊有4個老闆型物體同一個師傅飲茶
個師傅慌死無人知佢識風水, 講野大大聲..
又話咩今年南方會有災難等等.
唉...吾知既以為係自由行添..)

Anyway, 多謝哂長輩
友人..

年初四, 乜都貴








二人行, 又到食飯鐘數
想去易牙妙手, 太多人; 要等5張枱
走人, 諗住去西門町, 又係好多人
好, 去呢間樓底高, 好小小既餐廳啦

於是, 又開始左—個惡夢.....
見個menu賣相都(好似)幾ok
我order 左 t-bone steak
佢就要肉眼扒
兩個都係5成熟
有前菜, 湯同garlic bread
加多$32要左個日式加喱炸蝦餅
又係硬膠之作
主菜上盤
都幾大份, 好慘正如好多時下女性一樣
應肥吾肥; 應瘦吾瘦
medium rare 係煮得冇錯, 但係d肉曳

基本上, 可能大家x 既鐵板餐會好d

原材料爆升, 飼料貴
養牛都可能變相高左成本
加上租金上升…
消費者可以食到好小小既質數, 機會只會越細

係呢個北水橫流, 自由行暴行香港既年代
做飲食生意根本吾需要攞個心出黎, 橫掂客死客還在

使鬼出d好野俾客咩 ?

埋單 $270


旺角通菜街2A - 2P 鴻光大廈地下
(即女人街近家樂商場個邊)
(借左 Mei ** 既相, 罪過罪過)

Monday, February 11, 2008

年初三, 被人昆一餐




這裡可找相關食評

埋單個一刻發覺嚴重被昆
現付上食評, 望諸君保重
(小弟第一次寫呢d野, 請見諒)

個晚重復甘叫以下食物
Cold dish
三文魚刺身 - 等成10分鐘先黎一碟..水準就好一般

北寄貝- 完全冇味 ! 餵狗首選!

生蝦- 都未完全解凍好, 成口都係水

Hot dish

燒羊鞍 - 仆街 ! 個碟仲熱過d羊肉...雖然醃得ok,..但係d 羊又吾夠'蘇'. (我個人獨取4碟, 算係唯1可取之物)

天婦羅炸蝦/番薯 - 總算叫做似番d樣, d炸漿控制得宜

薄燒牛肉 - ok la…又係個句..吾夠熱

燒雞翼- 吾能得 ! 完全係寶勒行街頭個d街邊 $10兩隻既貨色...鬼死甘多油; 又吾夠脆

燒牛粒- 凍野都夠膽攞出黎? 攞去喂狗啦 !

燒牛脷- 算ok .

兩位盛惠 $435

**係而加百物騰貴, 樓價亂升; 股市暴跌既情況下. 我真係好想知道, 邊度仲有d有heart/有良心煮野食既鋪頭; 莫非係而加呢個窮人含x既年代, 攞四百幾出黎都係只可以食到d賤如快餐既食品 ?

金田日本料理
地址: 尖沙咀寶勒巷3-7A萬事昌廣場3樓302室


**To Pumkins, 借用你張相; 罪過罪過

Monday, February 4, 2008

Any Given Sunday

睇到有d 眼濕.........

Thursday, January 31, 2008

Lamar Odom flagrant foul on Ray Allen

@0.03

"oh, shit on you" Kevin. G says to Odom

Thursday, January 24, 2008

放得太遲

斬倉這事
也都要及時...........

散戶大法

時下一般人炒股既心理, 其實好簡單; 一字形記之曰 "空 ", 空者; 冇事/冇野也. (亦可譯之為假大空之說話, 諸如10年內超英趕美; 其功效即等同四叔年尾話08年見4萬點等等; 以空為用, 即以沽為用也)..大市暴跌二千點日後, 報紙報道手執蟹貨既投資者; 多數都講以下說話:" 呢鋪輸鑊甘啦 ! 身家仲即刻縮水...冇既, 我都係諗住長揸(長揸就吾好係高位入啦, 矇炳!) 個市跌就由佢啦..擺係度冇壞姐…" 最金句都係阿吳X忻 : "吳緊要啦...阿蘇x峰話08下半年升返呀嘛"...嘩 ? 甘阿蘇又有冇同你講話年頭會跌呀 ? 阿蘇有冇話你整完容後, 人氣即跌呀 ?

係囉, 散戶最精通既法則咪就係
- "跌 ! 我等 !'
- "賺 ! 吾放住!"


再講, 學陶傑話齋; 你班香港人; 成日嘈普選, 攪到阿爺鬼甘慶, 放水都變制水仲講2012 普選 ?! 即刻截停架直通車, 聽日再震你3000點 ! 好勒, 乖乖地2040啦; 俾返d水位甜頭你個乖孫, 有貨吾走就你說就硬膠嘞. 呢招就正如你女友問, 你幾時同我結婚呀?你成日係甘拖, 即係冇誠意啦 ?! 俾佢攪到頭都抬吾起(人龜合一), 一不做, 二不休即刻攞電話, book 定維多利亞酒店; call齊新歡舊愛; 明渡陳倉, 擺明偷食. 佢仲敢提 ?

喂, 大佬..你甘講法; 咩人先贏呀 ?

(另文再續)

Tuesday, January 8, 2008

無題



呢排真係好悶…..

腳又傷左,冇得打波
返工又完全冇乜野要做
(係...我係冗員..^_<)

當初見人地個d寫得甘精彩
自已又手痕想寫, 於是又無厘頭開左
而加先發覺好難做到言之有物
或者寫多d有關做sales既皮肉生涯
同炒野既日子會多d人黎睇?

見過有d blog真係勁, 寫d日常生活既野
都有成千人既daily visit.
我真係吾知咩人會入黎睇呢個blog
仲有d會成日入黎keep住update既
多謝你…

Thursday, January 3, 2008

八字論命

男命

時日月年
庚丙乙乙
寅寅酉巳

大運

61 51 41 31 21 11 1
戊 己 庚 辛 壬 癸 甲
寅 卯 辰 巳 午 未 申

命屬丙火, 坐下有寅木, 庚金貼火而生
可惜全局欠水, 水為官殺
水能生木, 五行欠水, 乙木不能旺

本命屬火, 生酉月, 正官格(對嗎?)
身邊一直有人扶持, 但五行欠水, 木吾夠旺,
貴人幫都幫吾到幾多

母親有5位兄妹(?). 命中應喜火,
但身弱, 書稱 " 財多身弱格",
即易有病痛
31-36歲, 乙辛沖, 用神被沖,
應有官非或換老板之禍事

但本局最好喜為火, 乙木被沖亦應衰極有個譜.
地支行巳午未火運, 身旺能任財, 應搵過下錢
尤其於41歲, 2006年為丙戌年.
而07年為丁亥年, 亥為水, 即官殺
亥酉為本命之天乙貴人, 於07年下半年應曾有
一個做官或於大機構之人士出現過於此命局

身弱不能任財,
女友/太太, 於此命身弱時易生禍端

31-36歲該柱為祖上宮及父母宮,該5行乙辛沖
以因果角度睇, 可能係於早年種下之因果,
而於31-36歲應數

現行大運庚辰, 即金運
乙庚化金, 天干剩下火同金, 地支巳酉丑又合金
只餘下寅木, 全局金太強
小心強財破印. 即小心因金錢而引出之壞事
今年8月為庚申月, 寅申沖,連唯一既用神都沖走埋;
要事事小心. 木亦為四枝及筋骨, 要多加留意.

Disclaimer: 若有計錯, 請多多包涵

Wednesday, January 2, 2008

Gackt RETURNER ~闇の終焉 紅白

哇,Visual Rock 糸既精神領袖–Gackt !
吳計已四張零既Yoshiki同死左既Hide,
做極都吳係好紅既Sugizo, 加埋啱啱掘起既
新力軍Miyavi…Gackt 都怕且係J-rock界既
掌門人…呢個video 係佢係日劇 “風林火山既主題曲.雖則已抹去左Visual年代既妖艷, 一身古裝既佢, 每一個舉手投足都好重一股戲味.