Tuesday, December 29, 2009

兩餐飯


由於本人住在新界區, 當然不時四圍搵食. 最近試過兩間餐廳, 實在不得不提.

一是位於酒店內的扒房, 標榜任食生蠔&鵝肝的semi buffet, 內裡雖然裝置得頗有情調, 扒房環境很有談心調情feel. 肉金 $ 388, main course 擇risotto / steak / lamb etc. (加 $ 80 可任飲紅白酒水) 食後只覺生蠔只算是不過不失, juicy 不夠, 鮮味一般. 偶爾仲會有1-2 隻頗腥的死蠔出現. 鵝肝則合格有餘, 以鐵板方式燒熟, 餸麵包一流. 若然只喪食生蠔&鵝肝, 已值$ 388了.

正因如此, main course一上時, 份量少得像餵狗般寒酸, 我們立刻媽聲四起.

二人埋單盛惠 $7xx, 因有環境及服務總算是酒店水平, 勉強合格.



另外一間
, 新開張於沙田最大的那個廣場. (相片摘自openrice)

本人一向甚喜越南牛肉粉, 見門口有一條小人龍, 立即上前攞籌. 恰巧原來該店經理是熟人, 我們便在其掩護下即時被安排上坐. 坐下即時點了火車頭, 即屬於乜都有的一大碗牛肉粉. 湯底叫做pass, 牛腩都pass, 牛丸無乜味. 重點 - 牛肉吾肥 ! 需知牛肉粉的湯底及牛肉, 是決定其生死的兩項重點項目. 任何一道衰左, 都不用回頭了.

就算是熟人都無辦法了, 事後她來問一下食物評價, 我亦指出其不足之處. 言談中, 得悉原來該集團是簽約了該食店(據報此食店於越南當地屬連鎖茶餐廳的檔次) 並打算明年於香港開40 間分店. 唔唔, 既然她老闆雄心壯志, 我亦不用多言了.


(相片摘自openrice) 憑這種牛肉質數再開分店....?


熟人又送了兩客甜品來, 味道及賣相只屬泛泛之流.

兩碗粉及牛油雞翼(無味), 九折後兩人埋單 $16x.

總括來說, 若給多一次機會, 就試吃其他越式食物, 如茄汁牛腩飯或香茅燒豬扒飯等等.

No comments: