告別豚組

星期日一覺醒來, 不知為何突然想吃日式吉列豬, 想起上次往Tonkichi 發覺有點退步, 便唯有前往相對較穩陣的豚組. 行至黃金廣場, 時為1:15左右, 發現入座率只得一成至兩成左右(三枱客). 星期日的生意差得離哂罩, 莫非內有玄機 ?

由於頗為肚餓, 逐而點得是日菜式如下:

前菜 - 吉列咖喱豚肉薯餅 ($ 22).

主菜 - 吉列赤豚柳 + 吉列芝士雞柳 + 吉列北海道蝦. ($158)

前菜, 淡而無味. 完全不覺得有任何可取之處 !

相信Sogo地庫的炸薯餅會好上幾倍,

但人家只是賣十塊錢左右.



主菜 - 赤豚柳雖有濃而不濁的肉味,

但是卻完全欠缺了當初半肥半瘦的驚喜

吉列芝士雞柳 - 相信是港人日食的菜式,

內裡的芝士雖則看起來是熱熔熔的, 賣相一流,

但味道卻是淡而清. 對食物無要求的顧客,

相信會覺得很美味.



吉列北海道蝦 – P 你個街 !

難怪晚市惠顧任何套餐, 加1蚊會送一隻.

所謂北海道蝦,就是到街市賣40蚊一份那種質數而已.

零海水味, 零鮮味, 只殘餘些少咬感.

總括來說, 跟大半年前是嚴重退步了不少.

之前是曾經有段時間, 做得比Tonkichi更好的.



上甜品時問待應小姐, 內裡是否日籍廚師 ?

答曰: “是香港人呢.

但是之前曾有一名日籍顧問駐場,

不時檢察食品質數. 不過, 最近已沒有僱請了. ”

真相大白.



唯一合格的是這款日式奶凍, 好吃得差點要尖叫.

不過這是外掛程式呀, 去日資超市都買到吧 ?



未吃前很怕她會做吾住而執笠, 吃完後則完全不擔心了.