Wednesday, October 14, 2009

闖東瀛 - 搵食篇

咳咳, 最近無新靈感寫blog, 唯有貼下旅遊記趣頂住先, 呢篇都差不多最後一篇了.


就係呢間鋪頭, 令我們立誓要再闖東瀛一次. 至於她是否真的入貨自築地市場都無所謂了, 橫豎坊間已有種種解釋說明, 就算貨源真的來自築地也不是像如來佛祖開光般厲害.


呢件炙燒三文魚壽司, 竟然會做到入口即溶的感覺. 肉質帶點鮮甜, 壽司的飯量恰好到處.


在銅鑼灣的上樓日式餐館, 如恆和大廈那些, 有無可能可以吃到這種壽司呢 ? 如有讀友試過又不是超貴(如每人不超過五百以上)的話, 請把食店通知在下.


跟壽司師傅鬧出笑話, 我以日語指住我的座位說: "這裡, 兩客." 又指着同行的位置說: "那裡, 兩客." 壽司師傅輕輕吸了一口氣, 閃過一個"無你甘好氣"的眼神, 然後保持禮貌地說: "即係四客啦 ?" 唉, 是時候決定是否認認真真去報日文course.


下一站, 去吃一次旅遊書上盛讚的 "牛角"燒肉店.


人地用真炭架喎, 吾係香港日式燒肉店既gas火爐. 味道方面, 叫做合格有餘, 亦非旅遊書上般精彩(唉..又上當)


人多唯有坐吧抬, 隔雜一對大學生模樣的情侶. 隱約好似聽到個女仔話"哇, 隔離枱淨係食肉吾食飯喎 ? " 妹妹仔, 我地今日食第八餐啦 ! 後面的一枱, 我問清楚日籍友人才知道原來是Club Host/男陪酒/男"拳手"之類. (歌舞技町的街上, 不斷派傳單sell 你入去飲酒的人.)



旅遊書上喪叫好食的Wendy's fries w/cheese, 又一好睇吾好食之物.



竹下通的pan-cake 專門店, 好吃得令我差點尖叫起來. 至後更誓神劈願, 從此不在香港吃日資百貨公司的A貨pan-cake.


好似幫襯既都係少女喎, 我一個麻甩佬去買, 硬係覺得有點格格不入.

**終於完成了闖東瀛篇, 感謝臨出發前耐心地解答SMS的 - "麥太".