見家長

有時會客會遇到客人帶來同伴來相，例如女客帶來男友或老公的，朋友帶來朋友的，又或女兒帶來阿媽的。最難搞的組合，是客人結伴而來的一位，最鄙視相士，又或覺得術數之說只是三教九流, 毫無科學根據，只是順口開河之術，見人講人話，見鬼講鬼話云云。

昨晚會客，有女客與母親齊來，女兒想仔細占算姻緣。這種組合最易辨，只要不要與其母唱反調，便可以如常推算運作了。女命問姻緣，不外乎是想知 “who ? when ? how ? why ? ” 即是邊位先係我的真命天子，幾時遇上，點樣遇上等等.... 至於那個 why 嘛，不外乎是點解佢吾要我，點解佢有第二個…. 又或點解新娘不是我

說回該客，整晚滿面愁緒，搖出卦象 “風天小蓄” ，已經是結局式的卦象。卦象顯示，原來男友於大陸搭上另一女子，雖已跟女客拍拖經年，但卻突然聲稱要冷靜一下。

我說的過重點都對了，再確定一點，跟她說另一些姻緣以外的事吧。

“雖然我不知道你住在哪裡，但你家的客廳正在拜觀音吧 ？ 有個弟弟正在海外求學吧 ? ”

客人與其母愣了一愣, 道: “對啊”

“那就更不用想了，此事已經無可挽救。阿妹, 你仲後生，得廿五歲，今次跌鋪勁既，下次識得睇路做人。。大把青春大把本錢，使咩甘愁” 我說。

其母見我這般說，彷如遇上粵劇知音，揮一揮手打斷我的話，好像輪到她接捧頌唱下去，大聲道： “係咪呀？我早話你吾好同佢一齊架啦 ﹗人地大你甘多年，你使咩委屈自己？得閒多 d 去讀書為自己打算。。。。。。” (下删數百字)

我望了望命盤，補充了一句，說：他離過婚了，你。。。

其母聽到我說這句，差點擊掌讚賞，道：嗱！人地師傅都算得出呢樣，你仲甘蠢舂個頭落去？你以為佢會娶你呀，阿女你醍下啦。。。(再下删一千字)

這種場面已經不是第一次見了，大多數要家長陪同的客人，都是來占問姻緣的。客人大多數是姻緣路上的失敗者，家長只不過是想籍論命者的口，去說出自己為人母親的心底話。

見其母發揮得興高采烈，我也不甘後人，加重幾分藥, 道: “阿妹，你今晚渣渣林去約人唱K劈酒跳舞蒲通宵, 再吾係就碌爆張卡，買 d 你最鐘意既野，甘你就無時間去諗 d 無謂野，知無 ? ”

這時候到母親嚇了一跳，說不要聽師傅說了，只見客人微微苦笑，應該唯有默默承受了吧。