占卜百案 - 第一案 : 後發先至

某女客來相，自言賦閒在家，不知能否做生意. 當時為她占卜一下, 但過了幾天，我已悉數忘記當時的占卜結果。不過, 隨後數天即收到一女士來電，說是該客之親妹，現僑居美國西岸，並坦言有事問卜。

透過長途電話占卜，我只曾試過數次，有驗有不驗。人家既然有相金繳付，當然費煞思量都要諗掂佢啦。不過我生性懶散，間中好飲杯中物，於這次 “長途占卜” 的早一晚，因為跟友人去消夜打邊爐，飲飽食醉後為求解渴，自隊了一枝啤酒便大字型昏死在客廳裡。

那天好像約了早上十一時開始占卜，到了十一時半，我才睡眼醒松，見到whatsapp 裡無數個追殺式的message, 大意是: “我約了閣下11 時占卜，請問你現在在哪裡 ? ”心下頓時抽了一口涼氣: “今次仆街了 !” 打算火速更衣擦牙，轉身飛的便沖往太子辦公室。

後來想了一想，人家好似係約左我係電話傾喎, 使乜甘慌呢 ? 抽了一桶冰水，瘋狂向自己衝擊，即時醒到無朋友。立即打電話，然後開始占卜。哦，原來阿妹係西岸掌管六七間大型連鎖店，打算占問一下生意前景。

阿利路也 ! 姻緣與財運的占卜，真係發夢都識占返出黎。隨即不假思索, “叮叮叮” 快速占了六下，便告訴她睡房裡，現在放了一隻錶，是黑色, 而且是很貴 。廳裡有幅紅色合照，把它先收起。客人聽後大感詫異, 失聲叫道: “你肯定以前偷入過我屋企 ! ” 我笑而不答，交談了好一陣，叮囑了一些催運機宜便收線了。

今天收到輾轉傳話，其中一間生意極差的分店，簡單動了幾下財星便稍見起色。善哉善哉，今次醒得夠快，尚存足夠內力發功。下次還是早醉早醒，提早運功好了。