最憎睇電視

咳, 有四樣電視野想講.

(有睇開NOW既人可能會感同身受)

第一, NOW TV 既Cooking Mama, 入面除左受訪者之外. 劉心悠同Carl 吳既表現, 唯有用 “不能知所謂” 來形容, 某集訪問田雞, 又有葉念琛係度, Carl 竟然同擺明車馬同葉念琛吹水, hea 到暈既主持, 不如用 voice over 算吧啦, 劉心悠淨係sell樣都勉強 ok.



第二, 怪談電影版, 內容係緊定流, 大家都心照不宣吧 ? 專登吾買碟, 專登上網睇, 竟然end up 都要飛住黎睇 ! 除左一早set好哂 d 所謂 “東南亞法師” 作法場面點樣核突, 同埋個鏡頭係甘 Fing 黎 Fing 去扮緊張之外. 成場戲除左中間 “陰陽人” 個場, 根本係非常散亂. 如果甘都有人話好睇既, 在下真係要開壇劃符, 用硃沙寫個 “服”字比佢



第三, 琴晚139 台重播 “逃學威龍”, 本身令人非常興奮, 但竟然有好些情節被cut, 如阿叻被朱咪咪污辱, 及中段小量爆粗對白, 非常反高潮. 大佬, 話哂都係收費電視, 甘都要和諧化 ? 不如除左成人台, 全部播教育電視, 兼夾整一個台, 全天侯24 小時播國歌啦.



第四, Youtube 而家剷走左好多片, 好多80或90 既港產片又得返國語版. 喂, 甘算點先 ? 乜鬼都cut, 使吾使一把火燒左佢呀 ? 唉, 呢頭怕侵權, 個頭又要和諧, 究竟發生緊咩事 ? 遲 d 使吾使去廁所既鏡頭都要cut ?