Friday, April 25, 2014

佢話算命會發達

近兩星期股市波動得極快,先前有報導什麼 AH股直通車發財大計,炒起一浪有早知無乞兒的旋風。吹到今天卻落得一個財散人安樂的下場,不少中資背景的證券商股價,已回歸基本步。

這段新聞,令我想起一些客戶對風水的誤解,幾近以為風水是特異功能的仙法,而貌不驚人的在下,是一名懂得施法但又不想發達的凡人。

有種人對占算命理或睇風水的態度,是想借助一種非邏輯性的方法,把自己推動到滿意的環境去。這種態度本身沒有問題,問題是在於 滿意” 是投射到哪個程度。

曾往一間實業公司看風水,當時一邊量度方位和拉線佈局,客人一邊問: “請師父你仔細看看,究竟我何時會發達? ” 這個問題已聽到麻木,腦裡隨即自動導航幾個公式答案-

A)    好快會發。
B)      d會發。
C)    你勤力 d 就會發。
D)    你做10世都咪 L 旨意發。

(答案 D 專門應付要求贈幾句時用)

以上四種答案,大多數情況都夠應付。但今次問我的人,是一位每年淨賺 $X, 000,000 (X > 4 ) 的實業商家,公司是自置物業。除稅除成本各種開支後,一年淨袋幾百粒既人,叫我占算一下,佢幾時會發。

遇上這種大人物,一般花拳繡腿就不管用了。我嘆一口氣說: “如果你想發,會吾會係去搞地產,炒樓炒豪宅或商廈易 d ? 又或者,平平地搞隻殼返黎,自己搵幾個老友做莊,圈 d 錢抬高個價,然後再搵人接貨。以上兩條明路,應該會容易 d 發。

心忖: 大佬呀如果你真係甘把炮,到時記得射個冧把黎呀 !

這個故事後來果然峰迴路轉,轉變了另一個故事。

下回再寫 ~


2 comments:

Anonymous said...

E) 識到我開始發。

Anonymous said...

人心不足...