吾知有無讀友同我一樣，飲食習慣非常差勁 ? 平時鐘意食肉多過食菜，味道越濃越香口就越有興趣，聽見有好野食即刻好有動力去發掘。尤其對大魚大肉既餸菜非常着迷，例如冬天成日打邊爐，甚至夏天都去打邊爐，食完飯多數要食甜品或整杯咖啡之類。仲有既就係，平時極少 (甚至係無) 做出汗既運動。
持住平日做野忙既藉口，放鬆一下去大飲大食，絕對係一個非常錯既思維。因為久而久之，首先出現既問題係經常喉嚨痛，跟住又開始容易發燒。平時下午三點後好容易攰，攰就買咖啡或者食 d糕點，又開始惡性循環。
近半年開始滴起心肝，不停做帶氧運動。但呢幾日因為食錯野，搞到輕微食物中毒，又發燒又拉肚子，巧合之下遇上一個退燒秘方，不妨在這裡分享一下。
自己先飲三杯熱水，令自己溫度提升。預備一個水桶，放幾片薑及幾湯匙鹽，開始放暖水入去。關上三樣野，廁所門，抽氣扇及窗。穿上厚身上衣包實自己，把雙腳放進暖水桶。慢慢加熱水至膝蓋，熱的程度是水桶上會浮出蒸氣。是真的好很熱，以為自己擺左對腳打緊邊爐個種熱，開始時要把雙腳不停的插水抽出，才可以接受熱力。
過幾分鐘後，開始習慣熱力，慢慢可以把整對腳浸住。身邊要有鐘，大慨十五分鐘後會開始出汗，水不可涼，降溫即刻再加滾水。再過十五分鐘，應該大約是汗如雨下。這時候應該是退燒的開始了，用熱水洗好雙腳，千萬不可沖涼。抹好汗，連剛才一直排汗的衣服大被同眠。
