無記性

耐不耐我都會遇上一些曾經來訪的客戶，很多時候我已經忘記了對上一次會面的占卜。這個很易理解，始終每天都面對不同的客戶，除非案例較特別，否則很容易水過鴨背了。

當然，有時候太早或太晚會客，又或之前的一晚睡眠質數太差的話，對記性也會有些影響。最恐怖的一次，客人進來之後，請其坐下，我問道: “小姐你貴姓 ? ” (其實之前約時間時已 mark下了姓氏，但我就是很難用心記着 ) 客人答: “姓陳”

然後開始問她想占問什麼事情，她一口氣說了一個很長篇的故事，例如我的老闆在外地工作，但他又有個情婦在我的公司裡，他們就快要去出 trip, d機票酒店都係我幫佢 book. 點知 book左之後，其中一個 d Asia Miles 未夠 upgrade, 於是又要重新幫佢地 check多一次 (聽到呢度開始有點暈)… 然後我上司會下星期黎香港幾日，但係又吾知佢幾時走，呢幾日我。。。講到呢到, 我忍不住截住說 : “其實阿姑娘你想問咩先 ? ”

客人又開始說: “其實我老闆本身份人無咩野，但係好似又話就黎會加我人工…” “你想問加吾加得成 ? ” 我問道。 “吾係，其實我又諗過轉工…但係呢個時世…”客人欲言又止…哦, 原來係占問事業了吧 ? “對啦 ! 就係想知我事業之後係點囉” 只見客人猛然點頭。

於是我開始在占卜的紙裡寫上所占問的事，聽完其一大堆無關痛癢的開場白，我真係連佢姓咩都吾記得左了……..於是，十分鐘內問了她兩次貴姓…….

其實，長篇太論吾係問題，最難搞係食 “機餐” (放飛機)。約左吾黎吾係問題，但起碼都 sms / whatsapp話我知呀。有時我真係要推左 d娛樂時間 (you knw what I mean) ，坐定定係度招呼客人嘛。每次食完機餐之後, 我都忍吾住想改變經營模式，例如只限定一星期某幾天會客，不設預約服務，由得客人排餐懵算了。抑或，每位預約的客人，先要過戶轉帳落 $ 100訂…………