(原來無較focus...唉)
擅長解夢的K小姐特登由銅鑼灣過來找在下吃飯, 認真吾話得. 在下即刻四圍撥輪, 諗住食餐好少少既lunch. 慘在是日是星期五, 四圍爆棚, 唯有去威靈頓街吃early bird (12:45pm 前埋單有7折)
其實此店已經一星期去了兩次, 服務水準跟用料都合格, 午餐由$78 到$2XX. 上面的圖片就是在下叫的三色魚生飯(原價 $ 138), 魚生的新鮮程度頗佳, 絕對不是板錢或圓氣之流. 甚至IFC 的千娘, 都一定要企埋一邊. Lunch Set 有蒸蛋及烏冬一同跟上, 所以魚生飯的飯量就不算多, 但女生吃則一定夠.
前菜有日式沙律, 飲後就有設有甜品(當日是Tiramisu, 但經理說每天不同). 折後埋單每人約 $ 9X, 以此地段及質數, 十分fair. 所以若你們來請我吃飯, 我也會帶你去那裡(笑).
另外, 此幢大廈有兩間日式飯店. 一是在六樓(Kun) , 一是在一樓(Kuu) . 聞說一樓較貴(lunch set $ 180左右) 又無early bird, 但較好吃, 不知有無讀友去過呢 ?
而跟此店同集團的, 又有Lova(西餐), 下次會試下.
