終於試了人氣頂點的刨冰.
話說星期六身痕去了勝利小廚醫肚, 不少人都說那裡的服務態度九流. 相反, 我每次去都沒有遇過西口爛面的招待. 每次去都是12:00pm 或5:30pm 左右, 盡量避開了peak hour. 那裡的雞飯雖然退步了(味精有時落得頗明顯), 但是那個索價38 元, 三大件的炸蝦餅, 卻令人異常興奮; 必試菜式.因當時非常肚餓, 故沒有特別拍照.
飯後明明都飽了九成, 卻犯賤的步入黑布街, 找那間糖百府. 時為晚上 7時左右, 竟然要等位 ! 十分鐘後入閘, 分別點了朱古力秋香及牛奶雪花冰. 朱古力秋香的朱古力味超濃, 頭幾啖OK, 但越食就越覺得很重覆的朱古力味(可能size關系). 牛奶雪花冰則很重奶味, 但在下的牙齒不生性, 食到一半開始酸痛. 尤於份量頗大, 之前一餐又未消化, 所以吃掉一半走人.
可能由於店鋪細細, 價錢大路, 吸引了很多年青人/學生捧場. 身後的一枱少女尤如開私人生日派對, 聲浪喧嘩熱鬧. 可能年紀開始大, 若然要再去一次, 相信都不必了.
