絕大多數學風水算命的人，當初第一日學藝目的，是如何令自己好運，怎樣升職加薪或令家庭健康。能夠真正踏入行內，夠料吾靠呃又夠糊口的風水師，必定是誤打誤撞入行。因為星相行業，不是讀完一門手藝，拿著證書畢業就開檔做生意。風水的本質，是缺乏透明度，很難找出內在價值的奢侈品。試問甘特別既生意，一千個人裡面有幾多個先可以做得起 ?
大前題是， “風水佬” 呃你十年八年點黎 ?
不妨想象一下，身邊有無想一朝發達既人 ? 呢班人，有幾多個好很努力甘諗計搵錢 ? 有幾多個好很發奮去進修 ? 有幾多個，係真係有 “運” 個陣，例如中馬飛波飛，年尾每Q bonus, 有幾皮閒野錢個陣，會狠心收埋吾用 ? 留返做首期或定期 ?
好勒，平時刨財經板嫌悶，返工吾識攞鞋油吾識埋堆，無先天優勢但想一朝富貴。請問憑什麼可以發 ? 憑唱 K 個張 nuway 儲分卡 ? 憑去打牌book 房每十次送一次既優惠 ?
甘樣漫無目的過左幾年，呢個時候有人話某師父好鬼靈，你去睇下條命啦。師父睇以前既野又幾準喎，話我XYZ, 我以前真係有XYZ。話我三年後開始好喎，睇下點 ?! 三年後，仆你個街，吾發喎 ! 上去拆佢招牌先 !
上到去師父又講我呢幾年過成點，又準喎。我問佢點解仲未發，佢不斷撚鬚微笑，曰: “此命為遲來行運之格，晚運必發。”
又過三年，前後六七年啦，今時今日我人工加得個叉零兩叉野，樓又未買，老細又吾睇我。我頂 ! 風水呃 9 人既，我以後吾 h 信啦。阿媽成日都話風水呃十年八年，而家明哂。
以上內容實屬虛構，但在實際會客經驗中，只憑空想但沒有努力行動的人佔極多。有命有運的，識投胎搵好人家，深信我命由我不由天，絕少去問命占卜，只會請教擇日做事或擺風水，因盼富貴會長久延續。有命無運的，運程上上落落，對風水命理時信時疑。無命有運的，命格起落高低明顯，擺風水的剋應非常強烈，會對風水絕對信任。無命無運的，因命格殘破不堪，神仙難救，對風水大多先信後疑，最終怨天怨人。
行內良莠不齊是事實，但絕對有一班憑真功夫默默做事的人。不過，從事星相行業應該依書直說嗎 ? 抑或報喜不報憂 ? 有誰付錢占算命理，聽到自己一世無運行，命中註定剋夫剋妻，終身挨窮還可從容面對 ? 打死我，我都不信有人可以泰山崩於前而色不變 !
好，甘講假說話，又值幾錢 ? 自己睇啦。
