近兩星期非常之忙碌，我想也很耐未試過接近兩星期無更新這裡。因為近期一直在準備蛇年運程書，一邊又要會客，簡直想暈甘滯。早幾日會客占卜，更差點當場失手，險抹了一臉汗水。所謂的失手，就是傾談之中客人沒有那種 “ 甘你都知 ?! ” 的反應。 要知道命相行業，尤為依靠口碑，如客人沒有那種拍案叫絕的感覺，那就只得挨餓欠租的份兒了。
諗下諗下，我不禁想起電郵或面談裡，客人曾有連串的好奇，但我只是胡混過去，今日不妨在這裡試答一下。
問 - 你成日都寫到自己甘勁，點解我上門占卜又無甘既效果既 ?
答 - 有時吾係下下都做到神奇之效，也要睇劇本。例如閣下命水是否猶一套精彩劇集 ? 如只是平淡如日出見太陽，晚上見月亮的週而復始，那就比較形容得繪聲繪色了。
問 - 介紹人話搵你占卜會有埋解決方法, 點知我上黎你又話咩都吾使做，係咪大細超先?
答: 解決方法只是權宜之計，就算依計而施，有時沒有效果，始終診症與配藥是兩科不同之項目。
問 - 客人之中，係咪好多都係青春少艾既美女 ?
答- 我都想。可惜本人命水淺薄，終身與美女無緣，唯有一時雅典大發，於網絡上憑空想象寫下過癮了吧。
問: 搵你占卜可吾可以收平 d ?
答- 可以，如果你往我所敬奉之道觀做七日七夜義工，包括早晚課誦經，打掃道觀山上郊野的石級，我很樂意贈送。又或如果閣下能在超市買購物，跟收銀說可吾可以平 d ? 超市說可以的話，我也照做如儀。
下回再續。
