去完東京第一時間想講既, 就係個邊d 女性化妝很厲害，身上的配搭很仔細。在我們四處於涉谷及原宿尋寶之際，便遇上不少潮男潮女。OK, 其實今日想講既，當然吾係fashion (因我對時裝無乜認識). 想講既，反而係拉麵。
香港的日本拉麵，大路的通常都很求其。走小眾路線的，卻形神不一，如表面看起來很像樣，但吃下去卻又是另一回事。我不是拉麵專家，但卻很喜歡吃真正的日本拉麵。 一碗好吃的拉麵, 由極濃郁的湯底，加上淺淺幾片的上品叉燒而成。 於熱氣騰騰的霞煙裡進食, 食客自己選擇軟硬不一的麵質。吃後殘留在齒隙咀角上半點湯味，一種難以啟齒的依依湧上心頭，才稱得上是好吃的拉麵。
而一蘭拉麵，就正正給了我這個感覺。
一蘭特別之處，是令我短短幾天的行情，幾乎每天都要吃一次才安樂。其他什麼愽多天神、什麼 “無敵家” 統統都要行埋一面。尤其是當你直踩竹下通裏原宿，或大型商場如tokyo hands/伊勢丹等等幾個鐘。靈魂或肉體近乎筋疲力盡之際，在轉角街尾無端端坐下來一碗一蘭拉麵，好吃得令你產生錯覺，以為是到了龍珠卡通片世界。那是悟飯貪玩之下，在仙界裡意外掉了一碗美食，無意中令你氣力大增。
首先睇下有無位先, 有d 係比阿媽同小朋友坐架
(然後再係門口自助買飛)
入左去自修室 ? 聽日考日文呀 ? 人地擺明就係要你單獨集中品賞啦
綠色係如果你行開陣，轉頭返黎。紅色係叫waitress. Waitress 會拉開廉，比你填表選擇味道濃或淡，麵質軟或硬. 如果吾識睇日文，記得呢個時候問佢攞英文menu.
哦, 原來有機關開隔既. (我都係偷睇隔離個架妹先知可以用機關)
**全部自助買賣付錢，一碗麵追加叉燒 (因本身得兩片甘大把) 再追紫菜再追溫泉蛋, 預 $9xx日圓。以現今匯率，約HKD $100有找。食完就拍pat pat 走, 人地老遠有細路電視睇到食客一舉一動。
No comments:
Post a Comment