再遇東瀛

從東京回來，完全吾覺得佢地受過幅射影響。街景食飯行街依舊，唯一不同既，係全程係 0 %廣東話或國語. 全程五天，只見過不出五位大陸遊客，今次是完全體會沒有遊客(當然除了我們外)的情況下，行街食飯是怎樣的一回事。

對喜歡shopping的人來說, 是真的有很多東西便宜了。尤其是 Wego 那類鋪頭，好些衫褲竟然比香港也便宜。要執平野的話，女性較容易。男生要shopping的話，我個人就覺得不用去裏原宿了。

以前第一次去裏原宿時，覺得那裡的環境或氣氛也很型、很潮。但細心一想，裏原宿的 “潮” , 是因為當地靚人靚境造出來的掩眼法。你試下走入去求其買件幾千蚊既皮褸，然後滿心高興返香港，站在街頭等過馬路. 剛巧左邊一位大陸師奶在撩鼻，右邊一位金毛貨車哥哥, 對住部iphone吹水: “喂, 今晚邊間骨場有折呀 ? 咩話 ? 福田有個新場 ? 挑，你次次話去新場都奶野架啦, 成日都去埋 d飛機場。”. 如此地點人物事情發生經過下，成件事就吾同了吧 ?

講到尾，我就覺得裏原宿既野算貴, 着返黎香港又吾見得特別型囉。 OKOK, 如果你過既生活，係出入係揸架 330ci, 或 20吋 軚的RX 300, 最好十年內未搭過地鐵(或起碼出來做事後未坐過)， 甘你就大買特買吧。