占卜奇話 - 心中有劍

占卜好玩之歲, 就是來者不用開口, 也能推算其意思或問題. 當然, 開口的話, 就更是活靈活現啦. 而在下的某位朋友, 師奶仔一名, 竟然連找裝修師傅也要占算一番. 唉, 始終識於微時, 難以推卻. 但無端端拋起銅錢十數次, 聚精會神, 分毫不收, 不免有點兒那個. 說不得, 唯有試用本門秘傳 “無相劍” 解之.

於是在電話裡叫她心中暗裡思考着問題, 一為 “占何君裝修技術” , 另一占為 “占陳君裝修技術” , 各自於占一卦. 不消兩秒, 在下暗運丹田氣, 淩空劃起劍招, 經已得出卦象. 師奶仔電話裡暗叫: “好快 ! ”. 哼哼, 既然是打人情牌而來, 當然腳底抹油, 慳水慳力啦.

按數而解, 我斷曰: “何君是很 talk得, 乜都話無問題, 托塔都話掂. 價錢不貴, 但技術麻麻地炸喎. 至於陳君呢, 雖則不擅辭令, 似是踏實做事, 不過價錢貴很多呢. 技術方面, 應該陳君會較好. 明未 ? ” 話剛說完, 師奶仔已於電話嚇得哇哇大叫, : “師傅仔很靈 ! 陳君真是好貴 ! 莫非你最近已開始養鬼仔 ?”

所謂 “無相劍” 的威力為何能夠如此神妙 ? 為何兩秒已知卦象 ? “無相劍” 乃出自於佛門所說的 “色空不異” , 內裡尚存 “虛空、空相、空義” 三路殺着. 同門戲喻既然無相金惠顧, 唯有淩空取數了事. 當日下山之時, 師父於老樹下諄諄教導, 訣曰 : “心生法生, 心滅法滅”. 若要占卜靈驗, 只要占者心中的專注度夠強, 那便可隨手摘葉而占, 採花而卜了.