Thursday, February 18, 2010

深水埗



在下的另一辦公室在深水埗, 一直在網上都聽過德發小廚的大名, 知其小菜了得. 於是約了一名朋友共進晚餐, 試其功架. 首先要留意的是,它雖是位於大街. 但是要沿着北河街走. 而北河街, 則是亂過亂葬江, 有點深圳/上沙下沙沙咀/水圍/東門的末世亂城的感覺 . 若女士要行過去, 最好不要穿暴露衣物.



呢味叫大富大貴既蒸魚, 肉金 $118 (細條), 剛剛好夠兩人食. 條魚係幾新鮮, 肉都算彈牙既. 不過芡汁略為簡單, 不能用來"爬"飯. 問下肥仔哥(老闆兼廚兼籍貫水上人), 原來是豉油及滾油而已. 但是他聽了在下之意見後, 竟然拿起匙羹, 就直接往我們已吃完的那碟蒸魚裡一扒, 然後試味. 其粗豪之個性, 可見一班.



呢碟十個有十一個讚的墨魚餅, 索價 $88/ 約8-10件. 非常彈牙, 不算油膩, 炸功合格. 必點之選.



再來一碟避風塘雞翼及蒜炒西蘭花. 避風塘雞翼不見得如何特別, 蒜炒西蘭花倒也一般水準. 四個餸加兩碗白飯索價 $315 元. 以深水埗區來說, 不便宜. 但主題菜式足以吸客, 所以我們 6 點半來到, 不消十五分鐘已經滿座. 由於太旺了, 店主連門口行人路都要擺枱做生意.

有其他食評說此店的老闆經常sell 客另外再點菜, 老實說, 他是一個對自己所出的食物異常自信的人. 不過, 是否每個客人都接受就另一回事了. 另外, 不知是否被鋪主榨壓, 枱與枱之間非常貼近, 那種貼是近乎人體極限. 衛生程度亦很一般, 可能翠X茶餐廳會乾淨少少. 所以, 二人所費 $300 左右, 而要在此環境下進食, 真的見仁見智了.

註: 運程書肖雞1981 女士有typo error. 只是年份有別, 內容準確. 唉, 四日內起貨, 終於出事.

No comments: