近日同事友人不斷問及在下今年生肖怎樣怎樣, 真想一巴扯過去. 正所謂八字是有八個字, 只看一字; 管中窺豹又如何判吉凶? 難得市面上一眾星級大師, 紛紛搶奪運程書市場; 相信都是為了那數十萬的出利潤吧(保守估計, 約60萬). 然而, 若要以此打入內地市場; 在下又覺得有點天真. 人家知你身家近千萬, 要借請你睇風水之名而乘機綁票實在易如反掌.. 哈哈 ! 所以在下其中一位師傅便曾謂, 做呢行都係低調d 好. 筆者近日曾到過某一旺區的骰廟宇, 相談新年工作事宜. 一踏門口便略感不妙, 門口有數輛手推掃街車; 大堂極度冷清.. 更甚者, 進大門之前還傳來一股古怪異味. 在下雖膽大包天(心理上), 但亦感到一股慄然的感覺. 於是話匣尚未打開, 即籍詞回府. 所以有時去求神拜佛, 都要揀間好廟也.
談及新年, 在下亦不妨說及一些轉運法門. 當然, 以下資料只供參考; 若遇大事者請先向專業師傅查詢. 1) 若本身已黑無可黑者, 可試放開懷抱; 做下義工; 探訪長者. 2) 若09 年要犯血光, 則可以洗牙代替. 3) 要犯白事者, 即時打開報紙; 查詢助葬篇幅. 即時科水捐錢. 此招若家中有老人久病不起, 可姑且一試. 4) 多錢多到無地方洗者, 可試到近海邊的街市, 揀一魚檔; 買下整檔的生海鮮然後放歸大自然. 此法相傳乃是數年前某李性/郭性大家族, 某媳婦受一法師授之. 當時乃是某大型樓盤好賣得之後, 她要保持好運的方法睷之一. 5) 道家相傳還有一極具威力(但很難證實功效)的方法, 過程很玄幻; 專門針對身犯官非者而設. 當中亦涉及方位及擇日學, 有緣再談.
另外, 很想向名位讀者(哈,如有的話)忠告：如自覺運滯者, 除非有專業師傅教路;請不要亂買催財化煞物(很需要自找麻煩除/嫌命太長者例外). 尤其是經所謂開光的事物, 我就正正見過一個亂買了開光貏貅的女士搞到業務一落千丈.
11 comments:
忠實讀者一枚。
上年我親戚犯太歲，我就沖太歲，大家都頭頭碰著黑
睇風水書建議買玉牛化一化，聽你咁講都有d 心寒...
zoe: 小生先行謝過
黑人兄, 你意思是07犯太歲, 08年擺玉牛嗎?
行善積福，總是好的。
> 數奇門大大
小弟寒命肖馬，鼠年沖太歲，運程書不約而同說要戴玉牛
初時當電話繩，後來話要貼肉戴才靈，人太懶，戴了一回就唔知放左去邊了。
好彩係無開光的東西(我估)...北角d玉器小店買的
我係(忠實)讀者N號。
成日聽聞話鼠鼠要帶牛...唔...咁係咪即係唔好買?
又，大師你幾時贈返我幾句先? (笑)
黑人> 何故注明寒命?難道你係騷瘋瘋大師的忠實fans? 好, 遲下我會大爆一個瘋瘋撞鬼的往事.
S> 見你貴為本門貴客, 仲要係九月光顧過當然要贈啦.流年已批之事會有效於365日內, 所以我會繼續答你的.請看email.
收到了..謝謝你丫。:)
嗯~題外話~
點解九月幫襯過就要贈呢？
售後服務一年期嘗限
甘我有無–年售後服務呢?我都係你忠實fans 噃!好想開始学八字, 唔知可唔可以介紹一個好師傳俾我呢?
當然有一年賞味期限.
要學可以先揀些學費相宜的課程(應不過1k的). 先看看自已能吸收幾多, 想當年在下要背熟一連串寅卯辰亥子丑..真係覺得好煩. 要有心理準備起步會好徒時間.
Post a Comment