貝娜齊爾

出生八字(缺乏時柱)

日月年
癸戊癸
卯土巳

大運 45歲
癸
亥


去世日子八字

時日月年
乙乙壬丁
酉未子亥

癸水生卯木,自助食神,利讀書. 於Harvard跟
Oxford畢業,成績一流.首位女性成為總理.
本命最強為土, 土為官殺,官殺強者, 宜做紀
律部隊或政府/大機構之事可惜,本命太弱,
為財多身弱格, 女命以父為財,身太弱, 故父
早於其26歲已死. 財生官殺, 本命財多官殺強,
故常犯貪污/洗黑錢官非.

大運行癸亥, 本來屬水, 但戊癸化火,地支又一片
巳午火,無生洩調候,火太強. 去世當日, 天干丁壬
合木,全遍皆木,木能生火. 即有如一個蠟燭
處於火海中, 又有強木燃火, 已屬大凶.

癸亥大運, 丁亥年= 2亥.地支亥卯未合木, 巳午未
化火大火加上強木生旺火勢, 全局冇水/金/土,
五行嚴重失衡, 中鎗失救而死.

此命就算作平凡人論,都會應此劫.皆因八字結構問題
八字結構即代表磁場效應, 衰運即較差磁場, 好運即
較好磁場.

祝佢係天國安樂.

感恩

星期6,去左幫人搬屋,佢係住係廟街—間唐樓,一個40歲既男
人,係中環返工,屋企樓下係'麗晶女子髮廊'($120出火),要住
100呎度既房內有馬桶,煮食爐,樓梯傳出陣陣異味,有倒瀉
左既粥/嘔吐物..怕且想吾癡線都幾難.我除去NBA既jersey,
露出久經做gym既双臂同巨胸(起碼大過好多港女),殺上呢
個人間地獄,係悶熱既樓梯中...不停甘搬d發霉既上市公司
年報,同埋一d冇人會再睇既VHS錄影帶.如果你有睇過'旺角
黑夜'既話,張柏芝同吳彥祖住個d唐樓,就係我係星期6做義
工搬個d勒.

奇景 1

搬到甘上下,樓下個位貌似羅蘭姐既雞頭突然好心地攞張櫈
黎俾我地坐(以為我係街坊?),我發神經問,究竟咩人係入面
'開工'佢話'靚妹囉,得閒黎幫親下啦'又話'120蚊,廿分鐘
..包出火'

奇景 2

咩人會住係呢d樓呢?原來係勁多少數民族如尼泊爾人等...
睇下d新聞片同幻想下德蘭修女所服務既Ghetto…..佢地
應該覺得呢度係安樂窩架啦..分分鐘鐘呢棟樓可能已係
佢地既天堂…但係我地好多港燦,仲諗係琴日收市,咩價位
做少左2手...邊度LCD/Plasma開廠.幾時要去掃貨..送
Godiva俾2奶好定大婆好….訂Penisula Xmas buffet
定JW Marriot既New Years Eve宵夜..用黎去溝下前個排係
飯局,識個條係銀行做compliance既女好呢? 呢d既玩意,對
佢地黎講都係無可能發生過..每1日平安既生活已經係一種
奢侈….

一命2運3風水,要是住係呢度,
本身個命同運都怕且有d問題
風水功力有幾高都冇用.........


希望每個人睇完呢篇blog既人都平安
阿門

(寫於10am-2pm不停經過出火女子髮廊,搬着雜物,
滿身汗水混雜烏蠅滴落嘴邊,呼吸着樓梯既腥臭之後)

Yao Ming says the F word

3千年既禮儀文化
一個待人有禮既中國人
一個懷住10億同胞希望既偉大球員

都絕不畏縮表現真情一面 !

蝕到空虛(阿燦)

呢首歌係點俾.............

係高位揸左金/低位沽左美金/
炒燶過細價股或窩輪仕/接左
貨又冇價出既朋友聽.

祝聖誕快樂

八字雜談

以下係某女施主既八字

丁癸己乙
巳巳丑未

當日學師初成既我,為佢寫下以下評語

本命八字結構水強木弱
易得桃花/錢財,不愁冇錢使
朋友為忌,忌與人合作
多不歡而散及因財失義之事
童年財運麻麻地
3-33歲其實個運係行傷官運
主名氣/讀書/表現才華之事,
但姻緣會有問題

3歲-23行木運,主讀書
易有優異成績,與父親緣份較深
即見面機會較多/感情較好
母親個運很麻煩,與父親有問題發生過
嚴重黎講, 佢係容易受困
與母緣份麻麻地,感情較差/緣份較薄
佢容易越幫越忙
(父應有3兄妹)

此命於很早已拍拖,
若於22歲有拍過拖,個位男士會係屬土
土主肥潤,即該位仁兄係好大份/高大/肥仔
另外,命中應有2子/2女,但水(你)旺木(佢地)飄,
易與下屬/子女冇緣,雖喜子女;但見面時間少;
或自小被其他人湊/出國讀書

若八字時辰冇錯,23歲-28歲期間;
係表現才華之時,曾得名氣/出位之事
但23-28歲之姻緣不美,多麻煩事
易有跌錢禍事/與拍擋同學多爭吵事故/父親身體欠佳/
該5年亦係可以結婚之年,但恐妨32歲出現另桃花
本命(你)既男人/情人會係喜神,即係合拍;開心既
但易多病痛,1997/1985年;係你身邊既男人曾有禍事
發生,諸事不順,曾進出醫院.

33-63歲係火運,即財運,易搵錢
強火溶金,母親/上司會易失勢/病痛
若佢地多出門/多往北方可解此運

33歲-38處;行水運;易有破財;家婆/父會有大問題
易有因朋友而破財之事,
但1990下半年<即36歲>年行強火局,
應搵過1筆吾錯既錢
此命最好既財運係38歲後先出現
財運一直行到68歲

43-48歲行名氣運;有上位/揚威之事
48-53歲行得財運,主正財,正財好強
但偏財全無,小心投機/賭錢/搞生意之事
06年應曾搵大錢,應為西曆7月-9月
但下半年有是非/訴訟之事,上司會出現問題
2007年上半年有錢執下,但下半年要破財
但係2008年上半年行土年,應有逢凶化吉之事
即如原本有人攞你錢,變左俾錢你使
2008下半年不宜太進取,小心又要破財

63打後行金運
身體要小心肺部/腎/膀胱/泌尿糸統/女性器官

唉….睇漏最重要個樣…..
原來佢因年少(但過18歲)產子
後來兩母子亦慘被家婆拆散,原來此八字之結構,最大問題
係'水旺木飄'….水為母,木為子.母子緣薄不得相見..

懶女人

某日,高層A同我講:'世界上只有懶既女人,冇醜既女人,乜你吾知架咩?'
係,我真係今朝先體會到.

(男人有時係好賤的,會喜歡觀賞下d好野-俗稱'昅女.')
(如有女性看到以下文章而覺嘔心的,恭喜你啊 ! 你對
男性又有進一步的了解)

今朝一如正常般返工,就係等車既時候,我又撞見我一直都覺得幾靚既
女仔(若24-25歲),佢個種靚係清純,加一點點既氣質(sorry,詞窮).
總之係成條隊,係每日返工我都覺得佢係sharp d啦.

佢呢排轉左個髮型,微曲再加淺啡色,令人有d眼前一亮.就係今日我竟
然係轉車後又同佢同一班車.就係甘,我開始近鏡Zoom埋去.經我細心
觀察下,佢有以下特點- 1)有双下巴 2)一滴妝都冇化 3)有雀班 4)自
備洗衫板.

讓我point to point 分析一下

1)有双下巴 - 上左年紀既專利,點解出現係一個24/25歲既人身上?

2)冇化妝 - 我一直覺得,24歲前,未經工作/社會既摧殘,吾化妝係可以
接受既,因為可能面上都仲殘餘一點一滴既'清純'.
出左黎做野,被老闆精神虐待,被迫和同事要'世故'
一點.面上既清純應該已被蒸發得一乾二淨.仲反而
被抹上日積月累既疲態.吳化妝即係潛意識話'I
don't care!鐘意我既,我戴面具都會鐘意我啦'.
冇錯!呢個世界有d人就算冇左隻眼都有人鐘意,但係
聖人都口只得一兩個,更何況吳鐘意靚女既男人?所以
,係超過一半男人既角度吳化妝已經等如左'趕客'
.我係公司見到好多女性冇化妝,而多數佢地都係長期
冇拖拍既,懶既女人,都係吾介意一個人過Xmas/情人
節等等的.

3)雀班 - 雖然本身天生麗質,但係可能冇買防曬,又吳上d粉遮下,唉..
何必自暴自棄呢?

4)洗衫板- 先天性缺陷,就好似我天生吾係李家誠個仔, 算吧啦.


看完以上論點,可能你會話我,'攪那錯,又話人靚又係度彈.'我想講,其實
我係絕對欣賞呢個陌生人,但係某程度上,係而加處於女多個男/北水南調/
港女有市,但冇人出價既世代,女性肯吳再懶惰,肯去包裝自已多一點既話,
我相信,港男性只會不斷甘去向買套票車飛,長駐大陸.

又,有幾多個女性,係真心想自已一個人Xmas個陣攬住張被,或者,同冇拖拍
既怨婦朋友去飲野但係又一個人返屋企呢?

風水雜談

風水學說從來都冇一套準則
去監定成效,就如中醫產品一
個樣,雖然經過幾十年既發展
但係都係未得到國際間既認可

其中,我覺得最大既問題係;由
於各家各派既不統一性,即刻
例如我微積分好勁,你代數好
勁,但係我地從來都吾交流,
我用微積分去計你既代數,你
用你既代數去計我既微積分.
大家因為自私同面子,墮入左
一個估到估下既階段.計出黎
既結果雖然大同少異,但係中
間運算既過程好值得交流.

又或姐,就算開班授徒,收足銀
兩,我都照教你7成,其餘3成就
睇你造化.於是又飄流係一個
生意角度,俾1蚊就賺你7毫子
先.呢個財技大法,反而係各派
既大同心法,真係功德無量呢.

基於呢個原因,加上經歷左文
革時既洗禮,若干真知灼見都
化為飛灰.而加香港既所謂名
師都搖身化為藝術工作者,要
講個人魅力公關技巧,最緊要
有多d客,有多d學生.所謂將
'玄學普及化'.

有某名師話如希望有高層照
住,地位能夠坐得穩既話,可
試下擺件啡色衫係張椅背度,
呢招謂''背有靠山''.因為
啡色係泥土高山既顏色,人
若背住黎坐就如有靠山一樣

我係公司都有試過,功效一般
可能來本身公司不怒都好簡
單,所以未能體會個威力

但係,從我學子平八字既心得
,一個人有冇靠山,有冇俾老
闆蝦;要從流年對大運入手算
起若本身八字忌土的話,有靠
山都未必有用.

Great Playoff Moments: Barkley's Game-Winner

Wall Street Limo

有一段時間,我好鐘意睇報紙上既匯評
甚至mark低d高低支持,寫信去報館都有

都左今日,我自已因工作關系而要耐吳耐
寫野俾公司.其實,可用作實戰參考既工具
既實用程度係近乎零

"wake up! Will ya, pal.If you are not inside, you are outside, ok?"

NBA on TNT:Kenny Smith vs Reggie Miller

Miller 都仲ok喎

Shaquille O'Neal High School

個陣甘靈活架咩?!

Pablo Francisco - Jackie Chan - Bruce Lee - Jet Li

壞人:'Hey, where are you going ?!'
成龍:"I m going to church !'
壞人:"Get him !''
成龍(扮慘):"leave me alone !"

壞人:What 's that noise ?
成龍:I m breathing(!)
壞人:Get him !
成龍(扮慘)Leave me alone !

Pablo Francisco - Previewman parody

真係扮得幾似

(註:tortila=齋薄餅)

丁蟹的股票哲学