一邊食月餅，一邊打這段文字，其實很慚愧。
今天下午去了老人院一趟，探望下親友便打算離開。
當大家閒聊之際，身後突然有一位婆婆向我喝問: “今日有無野飲!”
我轉過頭看，哦，原來是黃婆婆。
每次去探親，都會見到一位貌似中了幅射，臉容扭曲的的婆婆，向我買來的食物垂涎。直到有一次，她可能太想食了吧，忍不住直接從枱上搶了一塊麵包，殺了大家一個措手不及，冚家O咀當場 。
對，只是一塊很普通的茶記麵包。
當時我直接去買包檸茶送給她享用。她當然沒有說多謝，只是很快地逃離現場，生怕我會從她手上搶回來。
我偷偷望到，只是一包五蚊既檸茶，佢飲到好似我地飲 響21 甘嘆。
我忍不住問職員，其實院舍不會餓壞人，點解佢甘陰功 ?
職員說，她患了精神病，狀況是已婚但沒有兒女。
“老公呢 ? ”
“哦，死了。”
“親人呢 ?”
“哦，她沒有親人。
而且，她每天都會求別人買野飲，買野食。有時會叫我地比錢佢。”
“下 ? 俾錢 ?”
“俾幾蚊囉，佢用黎買個包之嘛。初時我地都有俾既，後來佢問得太多次，我地就無俾了。你不用理佢，佢傻架。哈哈，D 傻人你吳使同佢講甘多。”
“哦，好的”
她沒有朋友，沒有親人。一個人住院舍近十年，每一日想得到既，只不過是一包檸茶。
而我地每日想得到既，係有半打嘉麟樓月餅看門口，初一十五去完日本之後，仲想知幾時有機會食大茶飯上岸。
當你親眼目睹，一個陌生人的命途終站，居然是這樣的一段路，其實是很殘忍的事。
我很理解職員既冷靜，因為可能院舍裡仲有逾千單這類個案，見得太多，什麼都麻木了。我們身處的商業社會，拉勻一世，都看不到呢一面。
如果你看到這段文字，記得不要浪費節日的食品。香港仲有無數個黃婆婆，她們每天想要的，只是很卑微很簡單的東西。因為缺乏溫暖，就算明知是落了三聚青安的月餅，她們都會如享盛宴地放入口。
阿彌陀佛。
No comments:
Post a Comment