Tuesday, February 17, 2009

陰地旺哪種生意 ?

常常聽見有好些師傅話, 去到某地就算不開羅盤都能斷吉凶. 在下才疏學淺, 又未學過神功或飲過符水, 實在未能有此技法. 然而, 有些地方在下卻可以憑一般常理, 或一點點風水上的推理判斷到是否容易招陰.

話說當日食完個情人節lunch, 在下跟女友就不斷在銅鑼灣行呀行…終於行到一個好特別既商場, 近某E字酒店附近. 在下由於一直帶着副超, 行到門口依稀見到有數位妙齡少女在入口處排隊. 呢個商場平時就算聖誕倒數/新年花市, 都未見過有人入去, 可想而知其人流程度有多弱. 商場先靠右行, 跟手有條彎彎既樓梯. 行到落去, 發現十鋪九未開…只見店鋪時而有專賣女生內衣, 時而有後生潮牌水貨. 當日乃是星期六的午時, 商場燈光不足, 商店又大半於熄燈狀態; 人流太弱, 燈火太暗.. 就算未習神功, 都感到一股陰氣撲鼻而來 . 在下自知今年並不當旺, 即時悄聲叫女友立即離開, 免招霉運. 女友尚且茫然不知, 不斷追問發生何事. 呢鋪真是皇帝吾急太監急…

一口氣出到大門, 只見剛才數位妙齡女子尚在排隊. 在下隨即跟女友解釋, 剛才商場裡陰氣太盛, 當然快走為妙. 皆因陽宅法則曾說過: “屋內不見, 名為暗探. 屋運衰時, 陰主出鬼, 陽主出怪. 初時有影無形, 久而彌顛, 捉弄生人. 屋運衰時, 陰卦亦主鬼, 陽卦主出神. 陰陽互見主妖怪. ” 當日正午, 烈日當空, 商場內竟然不見一點生氣, 只有門口排隊買內衣褲的妙齡女子. 哈哈, 真是獨陽不長. 依在下愚見, 一是打造成廂專賣內衣商場. 一就打造為風月場所或養鬼仔專門店, 否則係個度做生意真係凍過水矣.

9 comments:

Hana said...

係邊度吖?我要去開間鴨店!

自由行 said...

銅鑼灣? 好難估, 俾多d提示??
會唔會係總x商場?

數奇門 said...

板錢附近的舊式商場
祝你生意興隆 !

數奇門 said...

自由行:

答中無獎, 可惜..

自由行 said...

數奇門:

銀x商場....是嗎?

我咁想估, 因為我今年黑, 仲唔避之則吉!!哈哈~

數奇門 said...

係奧巴馬商場

自由行 said...

thx a lot!!!!!!!!!!!!!

嘩..咁既形勢, 走為上著!!

Sandra said...

哈哈..
多謝提醒。。。

數奇門 said...

黎施主, 好耐無見你留言了...
以為你太忙於拍拖, 分身不暇...haha!