Thursday, February 5, 2009

近況

今天終於是新一年的開始, 皆因2月4號乃是立春之日. 希望各讀友今年順順利利 ! 正所謂怪事年年有, 立春前後不斷有同事問呢樣問個樣; 話哂一場相識當然卻之不恭, 唯有頂住上吧啦. 某一師奶高層, 看完楊大師的運程書竟然異常慌張, 因若依書中所著, 某生肖者今年撞車率極高. 雖然在下花盡唇舌, 師奶仍然感到不安. 唯有授計予她如此這樣那樣, 問題便迎刃而解矣. 師奶依法而做, 心情立即得以安定. 不得不認同, 一言可以興邦, 一言可以喪國也.

再與師兄談近況, 得知師兄近期有不少陽宅盤在手中. 正一好衰吾衰, 師兄山長水遠到了大嶼山, 為某君相宅.. 一踏進屋內, 頓感悶氣湧胸, 五臟覆湧. 曾習法科的師兄即時知道“有料到”, 面上不露聲色但又迅速執野走人; 跟宅主步行幾里遠才說個明白. 有時時運之高低真係眾生平等, 不分高與低, 聽聞某老派林大師跟現在極具名氣的“S大師”, 便曾試過相宅過程中領過野. 所以呢, 若某些“明師”不諳陰陽結界的話,實在是宅主或地師自找麻煩.

在下有時會翻閱自已寫下的文章, 見到數月前有blog友問及家中是否有鬼門這件事. 其實, 鬼門我就無聽過. 不過於奇門遁甲中, 就有分八門; 其中一門叫作 “死門”. 尤於在下於此道涉足太淺, 所以都是少談為妙. 講開家宅鬼怪, 在下就好肯定無論任可時候; 一間房不可以終日不見陽光; 否極都是非常易招陰的. 所以有時所謂雜物房或廁所, 若長期無開燈的話; 都會傳出鬼怪之事, 實在是有原因的. 在下早年於番邦讀書時就正正住過一間殘舊房子的basement, 有三間房兩間長期空置, 無燈無陽光的. 哈, 那一年真是少些膽色都吾掂...

有時跟同事談及玄學, 問她們聽過奇門遁甲未? 她們都會異口同聲話聽過, 答“一套電影嘛 /一套武術功夫嘛”等等..真係比佢吹漲,在下於是往youtube搜索..哈哈.. 原來真係有呢套戲 !



以當時的技術, 其實真係拍得算係甘, 一點都不馬虎. (好似袁和平仲係又導又演添)
留意, 英文叫作The Miracle Fighters. 吾怪得知成日甘多人話係一套功夫啦 !

5 comments:

Xavier said...

Thanks info about死門. 不過話時話,奇門遁甲真系幾好睇,我記得袁和平扮女人,梁家仁同袁日初都有份,做奸角果個唔記得系邊個,但後來星爺套008都有份搵佢地做,呢套戲成本不高,但可以話包羅萬有,絕無冷場。:)

數奇門 said...

你睇左???
細個個陣定近排睇cable/dvd ?

Xavier said...

我記得前排有線電視播過,不過我形住屋企有隻 vcd somewhere... :)

數奇門 said...

我琴晚係youku睇左了
一如你所講, 絕無冷場
(每三分鐘就要有武打場面了)

以當時技術(無CG 瓜?)
真係犀飛利 !

Anonymous said...

呢套野可以話係陪住我成長,呢套野我都依家都仲好記得果D low tech特技。