首先某日朝早黎一份平民餐 - 松屋牛肉飯. Lunch set約 $45港元, 跟湯及沙律。松屋有點似香港的大膠樂或大塊活既級數，是當地人廉價之選。純粹入鄉隨俗，當試下大眾化的一餐。怎料到吃下去時，竟然發現勁有heart, 牛肉味頗濃。沙律裡的菜絲，不是等投胎回魂了幾次的死屍菜，而是充滿爽勁的質數。很奇怪的一餐，因為此價錢造出來的，竟然是蠻有誠意。
離開池袋，去了京王百貨的Saboten吉列炸豬。又再次驚歎，比起尖咀tonkichi或以前在新宿吃過的又高幾班。索價約 $170港紙，比香港平。此吉列豬已非文字可形容，無論是上盛豚肉的肉味或是蝦的鮮甜，已超越了同級價錢的食店。醬料的賣相或顏色明明是跟其他地方的一樣，吃入口的味卻更突出。奇怪。
*留意此店是不可拍照, 自己執生. (記住熄閃光燈)
某晚盲中中行下, 有點肚餓但係又吾知邊間野好食。於橫街十字路口，見到一對情侶於圖中左手邊既樓梯行下來。隱約中覺得此 “幸XXXX壽司” 應該有 d野。我們二話不說走上去，內裡燈火昭然, 裝修別有氣派, 原來是走高檔壽司的路線。吧枱裡全部都是上班族，型男美女身光頸靚，下班來吃刺身飲下酒。我地又迷彩褲又air jordan, 即時十萬個格格不入。莫講話影相，DC或iphone掂都吾敢掂啦。指手劃腳點了幾款壽司，每一舊都好吃得差點把舌頭吞下。尤其是吞拿魚蓉壽司，猶如發現了天堂裡的晚餐般驚為天人。
其他食客談笑風生，跟我們哥倫布發現新大陸存在強烈對比。某女待應英語極流利，混美ABC / CBC. 她忍不住問道: “how did you know our restaurant ? ”( 言下之意係咪極少遊客入黎 ? ) 我話甘既格局，仲有人係樓梯行落黎, it should be something really special. 問她怎地英語甘鬼流利, 答曰: “I studied in UK for a few years.” 哦, 明解明解…
(呢張相係上網搵到的)
二人吃得微飽，好像叫了10 -12件壽司或卷物, 怕貴不敢叫刺身，但加一枝Sapporo, 盛惠 HKD 7xx元. 絕對值甘貴, 比起早幾日那間拋開兩條街。。
機場check in 臨走仲有兩小時，拿著剩下的碎銀，搏一次大細莊閒。入了機場內的吉列店, 其實機場裡大大話話有7 -8間很相似的食店, 唯有選一間最多當地人的店鋪。可能運數已盡，真係奶野...
呢次真係好眉好貌,化作甩皮甩骨了。
No comments:
Post a Comment