逃出三色台

終於忍吾住三色台既一系列反智節目, 裝左now既電影頻道.

早三年前裝now, set埋ESPN諗住睇NBA. 吾裝個陣就日日上網搵賽事睇, 裝左之後反而吾馨香, 一年先睇得個三場. 一怒之下, cut哂now既台, 剩底d無聊免費台(大陸個d咩X州電視台或德國乜叉台, 搵邊個睇 ?) 到後來, 索性而部機都熄埋, 兩年無開過.

睇完美麗高解像, 所謂睇完都只不過係, 有時行過電視會望幾秒. 哇 ? 乜而家會有靚仔叫 fing頭做丸仔咩 ? 仲要有以下回頭浪子式類似對白, : “吾得啦, 我要丸仔呀..! 我都吾想架, 不過無左d丸仔真係好辛苦呀 …! ” (下刪百字)

不排除是編劇潛意式的投射, 如財經系: “吾得啦, 我要入市呀..! 我都吾想架, 不過無左d低位貨真係好辛苦呀 …! ” (下刪百字)

或情慾系: “吾得啦, 我要去桑拿出火呀..! 我都吾想架, 不過無左d女同我吹真係好辛苦呀 …! ” (下刪百字)

請製作呢齣劇既幕後, 搵日試下上去深圳d場, 望一望個d相貌鄙俗, 一頭金毛highlight, 一身半punk半 MK既靚仔. 雙眼還有點獸性既眼神, 眉梢間還有點狡惑的砵蘭街街智慧. 劇中所謂的 “丸仔”, 對於這一班人來說恍如歷史學名一樣陌生. 這一羣人每日過着的生活, 都是與是 K仔 , Fing頭, “草” 或 5仔 (five仔) 唇齒相連.

會索K 或北上Fing 頭 蒲 D 的, 都是視墮胎如染上了感冒般無所謂, 酒後索K或吾覺意比隔離條仔搞埋, 更是稀梳平常. 看清楚, 回歸12年加上24小時過關後, 這一類墮落羣組正在急速衍生中. 這個就是經過白眉董及憎陰權的陰乾政權下, 失誤調教出來的下一代.